Batumelebi | სწავლა საკლასო ოთახებში ხელვაჩაურშიც პირველ ოქტომბრამდე გადაიდო სწავლა საკლასო ოთახებში ხელვაჩაურშიც პირველ ოქტომბრამდე გადაიდო – Batumelebi
RU | GE  

სწავლა საკლასო ოთახებში ხელვაჩაურშიც პირველ ოქტომბრამდე გადაიდო

აჭარის მთავრობის თავმჯდომარის, თორნიკე რიჟვაძის განცხადებით, სწავლა ბათუმისა და ქობულეთის მსგავსად ხელვაჩაურშიც პირველ ოქტომბერს განახლდება საკლასო ოთახებში, 15 სექტემბრიდან კი სასწავლო პროცესი ხელვაჩაურში ონლაინ, დისტანციურად დაიწყება.

„ქობულეთსა და ბათუმს დაემატება ხელვაჩაურიც და იქ სასწავლო პროცესი საკლასო ოთახებში განახლდება პირველი ოქტომბრიდან, მანამდე დისტანციურად მოხდება ამ სამ მუნიციპალიტეტში სწავლა. მაღალმთიან აჭარაში საკლასო ოთახებში შეძლებენ მოსწავლეები 15 სექტემბრიდან სწავლის გაგრძელებას“ – განაცხადა თორნიკე რიჟვაძემ.

მან ასევე აღნიშნა, რომ აჭარაში სკოლების 90 პროცენტზე მეტი უკვე აკმაყოფილებს დადგენილ სტანდარტებს და მიმდინარეობს მათი შემოწმება.

საქართველოს დიდ ქალაქებში საკლასო ოთახებსა და აუდიტორებში პირველ ოქტომბრამდე სწავლის გადადების შესახებ გუშინ, 11 სექტემბერს განაცხადა საქართველოს პრემიერ-მინისტრმა, გიორგი გახარიამ. გადაწყვეტილება ეხება სასწავლო პროცესს შენობაში, ხოლო დისტანციური სწავლების პროცესი დაიწყება 15 სექტემბერს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com