Batumelebi | ვირუსის გავრცელების მეორე ტალღა იწყება – გახარია ვირუსის გავრცელების მეორე ტალღა იწყება – გახარია – Batumelebi
RU | GE  

ვირუსის გავრცელების მეორე ტალღა იწყება – გახარია

საქართველოს პრემიერ-მინისტრის გიორგი გახარიას განცხადებით, ქვეყანაში ეპიდემიოლოგიური ვითარება თანდათან იცვლება და როგორც მოსალოდნელი იყო, შემოდგომაზე ვირუსის გავრცელების მეორე ტალღა იწყება.

გახარია აცხადებს, რომ სიტუაცია კონტროლს ექვემდებარება და პანიკის საფუძველი არ არსებობს:

„57 შემთხვევა, რომელიც გვქონდა დღეს და გუშინდელი 44 შემთხვევა პირდაპირ მიუთითებს, რომ ეპიდემიოლოგიური მდგომარეობა ქვეყანაში ნელ-ნელა იცვლება. თუმცა, როგორც ჩვენ ვვარაუდობდით მეორე ტალღას, ფაქტობრივად, ეს პროცესი იწყება. ვვარაუდობდით შემოდგომას და შემოდგომაზე ეს პროცესი იწყება. აქ საგულისხმო რა არის, მთავარია, რომ არანაირი საფუძველი პანიკისთვის არ არსებობს იმიტომ, რომ სრულად ვმართავთ სიტუაციას და სიტუაცია არის კონტროლის ქვეშ“, – განაცხადა გახარიამ.

მისი თმით, ეპიდემიის დაწყების პირველ დღეებში საქართველოს ჯანდაცვის სისტემა დღეში საშუალოდ 150 PCR ტესტს ატარებდა, დღეის მდგომარეობით კი ეს რიცხვი 6000-7000-ს აღწევს და მომავალში 10 000-მდე გაიზრდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com