მთავარი,სიახლეები

აქცია ბათუმში ბელორუსი ერის მხარდასაჭერად

13.08.2020 • 1809
აქცია ბათუმში ბელორუსი ერის მხარდასაჭერად

დღეს, 13 აგვისტოს, 17:00 საათზე, ბათუმში ალი და ნინოს ქანდაკებასთან აქცია გაიმართა ბელორუსი ერის მხარდასაჭერად. აქციის მონაწილეები ძირითადად ბელორუსები იყვნენ. პროტესტს უკრაინის, რუსეთისა და საქართველოს მოქალაქეებიც შეუერთდნენ.

13 აგვისტოს, 17:00 საათზე, ბათუმში, ალი და ნინოს ქანდაკებასთან, აქცია გაიმართა ბელორუსი ერის მხარდასაჭერად.

„ჩვენ შევიკრიბეთ ბელორუსი ერის მხარდასაჭერად, რომლებიც თავისუფლებისთვის და სამართლიანი არჩევნებისთვის იბრძვიან. მიუღებელი და დასაგმობია ძალადობა, რაც ვნახეთ, არ შეიძლება ხელისუფლება ასე აყალბებდეს არჩევნებს და მერე საკუთარ მოქალაქეებს, რომლებიც ფალსიფიკაციას აპროტესტებენ, აქციაზე უსწორდებოდეს და კლავდეს“, – ამბობს აქციის ერთ-ერთი ორგანიზატორი, დიმიტრი ივანოვი.

13 აგვისტოს, 17:00 საათზე, ბათუმში, ალი და ნინოს ქანდაკებასთან, აქცია გაიმართა ბელორუსი ერის მხარდასაჭერად.

აქციის მონაწილეები ბელორუსის დროშებით ალი და ნინოს ქანდაკების მიმდებარე ტერიტორიიდან ახალი ბულვარისკენ გაემართნენ სანაპიროს გავლით. მათი თქმით, აქციები ბელორუსი ხალხის მხარდასაჭერად, რომლებიც თავისუფლებასა და სამართლიან არჩევნებს ითხოვენ, ბათუმში პერმანენტულად გაგრძელდება.

13 აგვისტოს, 17:00 საათზე, ბათუმში,  ალი და ნინოს ქანდაკებასთან, აქცია გაიმართა ბელორუსი ერის მხარდასაჭერად.

___

2020 წლის 9 აგვისტოს, საპრეზიდენტო არჩევნების ოფიციალური შედეგებით, არჩევნებში მოქმედმა პრეზიდენტმა, ალექსანდრ ლუკაშენკომ ხმების 80% მიიღო. ლუკაშენკო 26 წელია მართავს ბელორუსს.

საპროტესტო დემონსტრაციების მონაწილე მოქალაქეები აცხადებენ, რომ არ აპირებენ ლუკაშენკოს პრეზიდენტად მიღებას. არჩევნების შემდგომ დაწყებული დემონსტრაციების დროს, ოფიციალური ინფორმაციით, 2 ადამიანი დაიღუპა. პოლიციამ ათასობით ადამიანი დააკავა. შეტაკებების შედეგად ასობით მათგანი დაშავდა. სპეცრაზმი აქციის მონაწილეთა წინააღმდეგ სპეციალურ საშუალებებს, მათ შორის, ცრემლსადენ გზას, რეზინის ტყვიებსა და წყლის ჭავლს იყენებს. სოციალურ მედიაში გავრცელებულ არაერთ ვიდეოში ჩანს, როგორ სცემენ პოლიციელები დემონსტრანტებს ხელკეტებით.

ამავე თემაზე:

ევროკავშირი ბელორუსისთვის ახალ სანქციებს ამზადებს

გადაბეჭდვის წესი


ასევე: