მუნიციპალურმა ინსპექციამ აკუსტიკური ხმაურის გამო ბათუმში 9 პირი დააჯარიმა

ბათუმის მუნიციპალური ინსპექციის ინფორმაციით, საზოგადოებრივი ადგილების შეზღუდვის, გარე ვაჭრობის, ხაზობრივი ნაგებობების, გარე რეკლამისა და იერსახის მონიტორინგის მიმართულებით ბოლო ერთი თვის განმავლობაში 64 სამართალდარღვევის ფაქტი გამოვლინდა.

მუნიციპალური ინსპექციის ინფორმაციით, დახურულ საჯარო სივრცეში პირბადის ტარების წესის დარღვევის ფაქტზე 9 სამართალდარღვევის ოქმი დაიწერა, ცხრა პირი დაჯარიმდა აკუსტიკური ხმაურის გამოც. ბოლო ერთი თვის განმავლობაში აკუსტიკურ ხმაურზე სულ 34 შეტყობინება შევიდა ინსპექციაში.

„ასევე, ქალაქი ათეულობით სხვადასხვა ტიპის კონსტრუქციისა და უსახური ჯიხურისგან გაიწმინდა, 187 000 -მდე კვ.მ. ტერიტორია დეზინფექცია-დერატიზაციის და ქვეწარმავლების საწინააღმდეგო პრეპარატებით დამუშავდა. ხოლო ქუჩიდან აყვანილ 900 უპატრონო ცხოველს შესაბამისი ღონისძიება ჩაუტარდა – დაბირკული და უვნებელი ცხოველები კანონის შესაბამისად აყვანის ადგილს დაუბრუნდნენ“, – ნათქვამია მუნიციპალური ინსპექციის განცხადებაში.

ინსპექციის თქმით, ქუჩიდან 900 უპატრონო ცხოველი აიყვანეს.

ამავე უწყების ცნობით, დაჯარიმებამდე „ობიექტები ადმინისტრაციული ზედამხედველობის სამსახურმა გააფრთხილა და გამოსწორებისთვის გონივრული ვადა მისცა“.