Batumelebi | წელს ხალხმრავალი ბეშუმობა არ გვექნება – რიჟვაძე წელს ხალხმრავალი ბეშუმობა არ გვექნება – რიჟვაძე – Batumelebi
RU | GE  

წელს ხალხმრავალი ბეშუმობა არ გვექნება – რიჟვაძე

დღეს, 27 ივლისს, საქართველოს მთავრობის ადმინისტრაციაში გამართულ ბრიფინგზე აჭარის მთავრობის თავმჯდომარემ თორნიკე რიჟვაძემ განაცხადა, რომ წელს სახალხო დღესასწაული ბეშუმობა ფართომასშტაბით არ აღინიშნება.

„მომეტებული რისკებიდან გამომდინარე, წელს არ გვექნება ხალხმრავალი ბეშუმობა, სამწუხაროდ. იმედს ვიტოვებ, რომ ჩვენი მოქალაქეები, განსაკუთრებით მაღალმთიანი აჭარის მცხოვრებლები, გაგებით მოეკიდებიან და მაქსიმალურად დავიცავთ იმ რეკომენდაციებს, რომელიც გვაქვს შესაბამისი უწყებებიდან. თუმცა, აუცილებლად მივულოცავთ,“ – თქვა თორნიკე რიჟვაძემ.

საქართველოს მთავრობის ადმინისტრაციაში გამართულ ბრიფინგზე თორნიკე რიჟვაძემ ასევე ისაუბრა თურქეთში საქართველოს მოქალაქეების დასაქმებასა და საზღვრის გადაკვეთაზე.

თორნიკე რიჟვაძეს ქობულეთის მერის, მირიან ქათამაძის შესაძლო გადადგომის შესახებაც ჰკითხეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com