ბათუმი,მთავარი,რეკლამა,სიახლეები

დაბალი ფასები და ხარისხიანი პროდუქტი – ფარნავაზ მეფის N139-ში მარკეტი „ფარფური“ გაიხსნა

24.07.2020 • 3830
დაბალი ფასები და ხარისხიანი პროდუქტი – ფარნავაზ მეფის N139-ში მარკეტი „ფარფური“ გაიხსნა

ახალი, რიგით მეორე მარკეტი ბათუმში, ფარნავაზ მეფის 139 ნომერში მდებარეობს. „ფარფური“ მომხმარებელს თავს პროდუქციის ხარისხითა და დაბალი ფასებით ამახსოვრებს.

მარკეტში შეგიძლიათ შეიძინოთ ხილი და ბოსტნეული, ხორცპროდუქტები, ნახევარფაბრიკატები, რძის პროდუქტები, ალკოჰოლური და გამაგრილებელი სასმელები და ყველაფერი, რაც მარკეტზე ფიქრისას თავში გაგიელვებთ. 

„ფარფურის“ მარკეტები იმითაცაა გამორჩეული, რომ აქ ღარიბებს პურს უფასოდ აძლევენ. საყოველთაო იზოლაციის დროს, მარკეტებმა 70 ათასამდე პური გასცეს. 

თუმცა, ეს არაა ერთადერთი სოციალური პასუხისმგებლობის აქტი, რომელსაც კომპანია „ფარფური“ დამფუძნებლის, მერაბ ფარტენაძის ინიციატივით ეწევა.

[checklist]

  • ქობულეთის მუნიციპალიტეტში, კარანტინის პერიოდში, დაკეტილი სოფლების მოსახლეობას 3000 ცალი პური უფასოდ დაურიგდა
  • 2000 ცალი პური, გამაგრილებელი სასმელები და ტკბილეული გადასცეს საჩუქრად „ოცნების ქალაქის“ მოსახლეობას
  • 35 სასაჩუქრე კალათა გადაეცა მერიას, შეჭირვებული მოსახლეობისთვის დასარიგებლად
  • მოსახლეობისთვის დასარიგებლად 30 სასაჩუქრე კალათა გადაეცა აეროპორტის დასახლების მერიის სტრუქტურულ ერთეულს
  • 45 შშმ ბავშვს გადაეცა სასაჩუქრე პროდუქტისა და ტკბილეულის კალათები
  • აეროპორტის უბანში მცხოვრებ მოსახლეობას კომპანია ოჯახის წევრის გარდაცვალების შემთხვევაში ეხმარება პროდუქტით, გამაგრილებელი სასმელებით და სხვა.

[/checklist]

„პანდემიის პირობებში, პირველადი მოხმარების პროდუქტებზე კომპანია მოგებას არ არიცხავს და შეგვიძლია ვთქვათ, რომ პირდაპირ, ასაღებ ფასად ვყიდით. მოსახლეობას პირადად ვპირდები, რომ ფასები არც გაიზრდება“  – ამბობს მერაბ ფარტენაძე, „ფარფურის“დამფუძნებელი. მისივე თქმით, უახლოეს მომავალში მაღაზია ხელვაჩაურსა და ქობულეთში გაიხსნება. ქსელი გაფართოებას გააგრძელებს ბათუმშიც:

„ჩვენი მომხმარებელი პროდუქციის ხარისხითა და ფასებით კმაყოფილია. მაღაზიების გახსნამდე კარგი საწყობი გავაკეთეთ, სადაც პროდუქცია სათანადო პირობებში ინახება. სურსათის უვნებლობის სააგენტომ რამდენჯერმე შეგვამოწმა და შენიშვნა ან მითითება არ ჰქონიათ“ – ამბობს მერაბ ფარტენაძე.

მერაბ ფარტენაზე (შუაში) მეგობრებთან ერთად.

მერაბ ფარტენაძე (შუაში) მეგობრებთან ერთად.

„ამ ქუჩაზე ვცხოვრობ და ძალიან კმაყოფილი ვარ. მაღაზიაში ახალი და ჯანსაღი პროდუქციაა, ხოლო ფასები – დაბალი. მფლობელსაც ვესაუბრეთ და ვთხოვეთ, რომ ფასები არ გაიზარდოს,“ – ამბობს მოქალაქე რუსუდან თავბერიძე, რომელმაც გახსნისთანავე გადაამოწმა მარკეტში არსებული ფასები.

კომპანიის დირექტორის, დავით ბუქიძის თქმით, „ფარფური“ მუდმივად ზრუნავს სურსათის უვნებლობასა და ხარისხის კონტროლზე:

„ჩვენ მუდმივად ვაკონტროლებთ პროდუქციის ხარისხს. ამჟამად მარკეტებში 75 ადამიანია დასაქმებული. თანამშრომლებად ავიყვანეთ მუშაობით დაინტერესებული ადამიანები განურჩევლად ასაკისა და სქესისა და შანსი მივეცით გამხდარიყვნენ ჩვენი გუნდის წევრები. მათი დიდი ნაწილი სტუდენტია და მაქსიმალურად ვცდილობთ ხელი შევუწყოთ სწავლისა და მუშაობის შეთავსებაში. თავდაპირველად გვაქვს მოკლევადიანი სტაჟირება, რომელიც ასევე ანაზღაურებადია,“- ამბობს დავით ბუქიძე.

„ფარფურის“ რიგით პირველი ფილიალი ბათუმში, აეროპორტის გაზატკეცილზე N228-ში მდებარეობს.

გვეწვიეთ და თავად დარწმუნდით, რომ ჩვენთან ყოველთვის ყველაზე დაბალი ფასებია!


გადაბეჭდვის წესი


ასევე: