Batumelebi | ვინ შეცვალა ჩიქოვანი მთავრობის აპარატში და სხვა საკადრო გადაადგილებები ვინ შეცვალა ჩიქოვანი მთავრობის აპარატში და სხვა საკადრო გადაადგილებები – Batumelebi
RU | GE  

ვინ შეცვალა ჩიქოვანი მთავრობის აპარატში და სხვა საკადრო გადაადგილებები

2 ივლისს „შპს სტადიონს“ აჭარის მთავრობამ სახელი შეუცვალა და  „აჭარის პროექტების მართვის კომპანია“ უწოდა. დღეს კი კომპანიის დირექტორი შეცვალეს – ეს თანამდებობა  ჯაბა სურმანიძემ დატოვა. ის აჭარის მთავრობის აპარატის უფროსად დანიშნეს, მას შემდეგ, რაც ყოფილი აპარატის უფროსი არჩილ ჩიქოვანი ბათუმის ვიცე-მერი და მერის მოვალეობის შემსრულებელი გახდა.

შპს „აჭარის პროექტების მართვის კომპანიას კი [ ყოფილი შპს სტადიონი] ბაქარ ჩიტაია უხელმძღვანელებს. ამ დრომდე ის აჭარის საავტომობილო გზების დეპარტამენტის უფროსის მოადგილის თანამდებობაზე მუშაობდა. გარკვეული პერიოდით გზების დეპარტამენტს არჩილ ჩიქოვანიც ხელმძღვანელობდა.

ბაქარ ჩიტაია საავტომობილო გზების დეპარტამენტში მოადგილის პოზიციაზე დანიშვნამდე თბილისის სააღსრულებლო ბიუროს უფროსი აღმასრულებელი იყო.

იმისთვის, რომ მთავრობის აპარატის უფროსის თანამდებობაზე დანიშნულიყო, ჯაბა სურმანიძემ ასევე დატოვა შპს „ჰიგიენა 2009“- ის დირექტორის თანამდებობა, რომელზეც ის პარალელურად და შეთავსებით მუშაობდა. სხვათა შორის, ბოლო პერიოდში სახელი ამ კომპანიასაც შეუცვალეს და მას „აჭარის ნარჩენების მართვის კომპანია“ უწოდეს.

ჯაბა სურმანიძის გათავისუფლების შემდეგ „აჭარის ნარჩენების მართვის კომპანიის“ ხელმძღვანელის თანამდებობა ნოდარ კონცელიძემ დაიკავა.  ნოდარ კონცელიძე ამ კომპანიაში გადასვლამდე აჭარის გარემოს დაცვის სამმართველოში მუშაობდა.

____

რიჟვაძის თქმით, ჯაბა სურმანიძის ორ თანამდებობაზე დანიშვნით „ხარჯები დაზოგეს“

ნეტგაზეთის მასალების სხვა გამოცემებში გადაბეჭდვის წესი
ავტორი