Batumelebi | სკოლა ბათუმში, რომელიც აშშ-ის მიერ აღიარებულ დიპლომს გასცემს  სკოლა ბათუმში, რომელიც აშშ-ის მიერ აღიარებულ დიპლომს გასცემს  – Batumelebi
RU | GE  

სკოლა ბათუმში, რომელიც აშშ-ის მიერ აღიარებულ დიპლომს გასცემს 

ხარისხიან განათლებაზე თითქმის ყველა ბავშვი ოცნებობს, მაგრამ ხშირად სურვილების ასრულებისთვის დიდი ფინანსური რესურსია საჭირო. მიუხედავად ბევრი გაცვლითი პროგრამისა, ყველას არ ეძლევა უცხოეთში სწავლის საშუალება, სწორედ ნიჭიერი ბავშვებისთვის შექმნა საერთაშორისო სკოლა “პროგრესმა” ამერიკული აკადემია, რომელიც მოსწავლეებს ამერიკული უმაღლესი სკოლის ((High-School) დიპლომს სთავაზობს ქალაქიდან გაუსვლელად. ვინ, როგორ, რატომ და სად ხდება ამ ოცნებების ასრულება ამის შესახებ ნატო კვანტალიანი, ამერიკული აკადემიის აკრედიტაციის ხელმძღვანელი დეტალურად პასუხობს.

  • ქალბატონო ნატო, რას გულისხმობს ამერიკული დიპლომი/ატესტატი და რა უპირატესობა აქვს?

უმაღლესი სკოლის ამერიკული დიპლომი გულისხმობს, რომ მოსწავლემ High-School-ის საგნები გაიარა ინგლისურ ენაზე და დააგროვა 25 კრედიტი. დიპლომთან ერთად მოსწავლე იღებს საგნების ჩამონათვალს და ნიშნების ფურცელს. ამერიკის უნივერსიტეტში სწავლის გაგრძელების შემთხვევაში, ეს  ნიშნები იქნება აღიარებული. ანუ თუ სკოლაში  სწავლის დროს მოსწავლეს მოუწევს სხვა ქვეყანაში ბაკალავრიატში სწავლის გაგრძელება, ეს კრედიტები ჩაეთვლება, მოხდება კრედიტების ტრანსფერი.

  • კონკრეტულად რას სთავაზობთ მოსწავლეებს და სად?

ჩვენმა სკოლამ აკრედიტაცია გაიარა კოლეჯების საბჭოებში და საქართველოს სამივე ქალაქში – ბათუმში, ქუთაისსა და თბილისში შესაძლებელია ქალაქიდან გაუსვლელად ამერიკული დიპლომის აღება. სკოლა მოსწავლეებს სთავაზობს სასწავლო რესურსებს, რომელიც მხოლოდ აკრედიტებული სკოლებისთვისაა ხელმისაწვდომი. სკოლა ასევე ანგარიშვალდებულია შეასრულოს და დააკმაყოფილოს აკრედიტაციის სტანდარტები, იზრუნოს სკოლის უწყვეტ განვითარებაზე, შესაბამისად, სწავლა სწავლების ხარისხი ყოველთვის უმაღლესია.

  • რომელი კლასიდან უნდა ჩაერთოს მოსწავლე ამერიკის უმაღლესი სკოლის სადიპლომო პროგრამაში?

აკრედიტაცია მიენიჭა 9-12 კლასებს, ამიტომ თუ მოსწავლეს სურს ამერიკული დიპლომი, ის ამერიკულ სექტორზე უნდა ირიცხებოდეს მე-9 კლასიდან. სხვა სკოლიდან გადმოსვლის შემთხვევაში რაიმე ნათელი და გარკვეული პოლიტიკა არა აქვთ და როდის ექნებათ რთული სათქმელია.

  • ამ შემთხვევაში მოსწავლეს ხომ არ შეეშლება ხელი აიღოს ქართული ატესტატი?

რაც შეეხება ქართული ატესტატის აღებას, რა თქმა უნდა, ხელს არ უშლის. ამჟამად სკოლა იმაზე მუშაობს, რომ განათლების ხარისხის განვითარების ეროვნულ ცენტრს წარუდგინოს სკოლის ამერიკული კურუკულუმი და სხვა სააკრედიტაციო დოკუმენტები. ამის შემდეგ პროგრესის ამერიკულ დიპლომს აღიარებს საქართველოს სახელმწიფო. ესე იგი ამერიკული სექტორის კურსდამთავრებულები ქართულ უნივერსიტეტებში მისაღებად წარადგენენ მხოლოდ ამერიკულ დიპლომს. ის მოსწავლეები, რომლებიც ქართულ სექტორზე სწავლობენ, მიიღებენ მხოლოდ ქართულ დიპლომს.

  • რამდენად შესაძლებელია ჩაითვალოს საქართველოში ნასწავლი მასალა უნივერსიტეტში კრედიტებად?

უნივერსიტეტის კრედიტად ჩაითვლება მხოლოდ AP კურსი და ისიც გამოცდის ჩაბერების შემთხვევაში. ჩვენი სკოლა ასევე იძლევა საშუალებას მოსწავლემ ბაკალავრიატში სწავლა გააგრძელოს როგორც საქართველოში, ასევე უკრანის და ამერიკაში, ჩვენს პარტნიორ უნივერსიტეტებში.

  • ალბათ სხვა ქვეყნებშიც გყავთ პარტნიორები, რა პროგრამებს სთავაზობენ ისინი ქართველ ახალგაზრდებს?

პარტნიორები გვყავს გერმანიაში, პოლონეთში, ლატვიაში. სკოლაში ასევე მოქმედებს საუნივერსიტეტო საკონსულტაციო საბჭო, რომელიც ეხმარება მოსწავლეს უნივერსიტეტის შერჩევაში მისი უნარებიდან და სურვილებიდან გამომდინარე.

  • რამდენად მარტივია ამერიკაში ან ევროპაში უნივერსიტეტში მოხვედრა ამ დიპლომით? თუ არის ჩასაბარებელი სატ ან ტოეფლ გამოცდები?

ეს დიპლომი ნამდვილად მიიღება ამერიკაშიც და ევროპაშიც დიდი წარმატებით. არის გამონაკლისები, როდესაც უნივერსიტეტები დამატებით გამოცდებს ითხოვენ, მაგრამ ამის შეთანხმება წინასწარ უნდა მოხდეს.

  • რამდენად შესაძლებელია ამერიკაში ან ევროპაში დაფინანსების მოპოვება? რა არის ამისთვის საჭირო?

დაფინანსებისთვის მოსწავლემ უნდა ჩააბაროს sat ან toefl ტესტი.  აკადემიის პროგრამის ფარგლებში ვამზადებთ მოსწავლეებს sat ტესტისთვის. ჩვენთან ძალიან ბევრი საინტერესო კლუბია და მოსწავლეები ჩართულნი არიან სხვადასხვა აქტივობაში. ასევე სკოლა უზრუნველყოფს სარეკომენდაციო წერილით, რასაც უნივერსიტეტები ძალიან დიდ ყურადღებას აქცევენ.

  • რამდენ სკოლას აქვს მსგავსი პროგრამა დასავლეთ საქართველოში? რამდენად რთულია აკრედიტაციის მოპოვება?

საქართველოში მხოლოდ ორ სკოლას აქვს ეს აკრედიტაცია. აქედან ბათუმსა და ქუთაისში – მხოლოდ პროგრესს. სააკრედიტაციო საბჭოს ვებგვერდზეც შეგიძლიათ მოიპოვოთ ეს ინფორმაცია. აკრედიტაციის მოპოვებისთვის საჭიროა კვალიფიციური მასწავლებლები, მაღალი ხარისხია პროგრამა, მართვის კომპეტენცია და რესურსების მართვის გარანტიები, რომელიც მუდმივ განახლებას ექვემდებარება. სკოლას მოეთხოვება სააკრედიტაციო ინსტიტუტის ognia https://www.cognia.org/-ის მიერ შემუშავებული სტანდარტების დაკმაყოფილება.

  • რა ღირს აკადემიაში სწავლა?

აკადემიაში სწავლა ხელმისაწვდომია, ვინაიდან ჩვენი სკოლა მოსწავლეებს აძლევს უნიკალურ შესაძლებლობას მოიპოვონ 30 % და 20%-იანი გრანტები ტესტირების და გასაუბრების საფუძველზე. სკოლა ინდივიდუალურად განიხილავს ნიჭიერი მოსწავლეების საკითხს და ცდილობს ხელი შეუწყოს თითოეულ მათგანს მიიღოს ხარისხიანი განათლება ქალაქიდან გაუსვლელად.

დამატებითი ინფორმაციისთვის შეგიძლიათ დაგვიკავშირდეთ: 571 01 90 50

დააწკაპუნეთ აქ და გადადით ბმულზე რეგისტრაციისთვის:

____

მთავარი ფოტო: ამერიკული უმაღლესი სკოლის პირველი კურსდამთავრებული, ანა შერვაშიძე და სკოლის დირექტორი ნინო ჩიკვაშვილი

ნეტგაზეთის მასალების სხვა გამოცემებში გადაბეჭდვის წესი
ავტორი