Batumelebi | ერთ-ერთ აბიტურიენტს კორონავირუსი დაუდასტურდა – გამყრელიძე ერთ-ერთ აბიტურიენტს კორონავირუსი დაუდასტურდა – გამყრელიძე – Batumelebi
RU | GE  

ერთ-ერთ აბიტურიენტს კორონავირუსი დაუდასტურდა – გამყრელიძე

ამირან გამყრელიძის განცხადებით, საქართველოში ბოლო 24 საათში კორონავირუსის 5 ახალი შემთხვევა გამოვლინდა. აქედან, ერთი შემთხვევის წყარო უცნობია. კორონავირუსი დაუდასტურდა ახალგაზრდა გოგოს, რომელიც გუშინ ერთიან ეროვნულ გამოცდაზე იმყოფებოდა.

„კორონავირუსი დაუდასტურდა პირს, რომელიც 7 რიცხვში გასული იყო ეროვნულ გამოცდაზე. ჩვენ გვიან ღამით გვქონდა კომუნიკაცია საგამოცდო ცენტრთან და ყველა ღონისძიებაა გატარებული პრევენციისთვის და ყველა ის პირი, ვინც იმ დღეს აბარებდა გამოცდას ინფიცირებულ აბიტურიენტთან ერთად, გააგრძელებს გამოცდებზე ტესტების წერას, ყველა შესაბამისი ეპიდემიოლოგიური წესების დაცვით,“- ამბობს გამყრელიძე

მისი თქმით, ახალგაზრდა გოგოს ჯანმრთელობის მდგომარეობა დამაკმაყოფილებელია, „ვირუსი მსუბუქად მიმდინარეობს, ის გადაყვანილია შემდგომი მკურნალობისთვის,“-ამბობს ამირან გამყრელიძე.

ასევე, იმ ცხრა ადამიანზე, მათ შორის, დამკვირვებლებსა და სხვა აბიტურიენტებზე, ვინც აღნიშნულ პირთან ერთად იმყოფებოდა საგამოცდო ცენტრში, ეპიდკვლევები მიმდინარეობს.

აღნიშნულის შესახებ განაცხადა დღეს, 10 ივლისს, განათლების სამინისტროში გამართულ ბრიფინგზე ამირან გამყრელიძემ.

 

ამავე თემაზე:

მაღალი ტემპერატურის გამო 4 აბიტურიენტი ცალკე მოათავსეს, 2 იმავე მიზეზით არ დაუშვეს გამოცდაზე

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com