აჭარის ჯანდაცვის სამინისტროს ინფორმაციით, ბათუმის ლაბორატორიებში ჩატარებული 319 ლაბორატორიული კვლევის შედეგი კორონავირუსზე, უარყოფითია. ცხელების კლინიკებში მოთავსებულია 35 პირი, მათი კვლევის პასუხები დღის ბოლოს გახდება ცნობილი.
ამჟამად ბათუმის რესპუბლიკურ საავადმყოფოში, რეგიონის კოვიდკლინიკაში, 5 პაციენტს მკურნალობენ, რომლებსაც დადასტურებული აქვთ კორონავირუსის დიაგნოზი.
ჯამში აჭარაში კორონავირუსზე PCR ტესტი ჩაუტარდა 24 315 პირს.
დღეს არსებული მონაცემებით, აჭარაში კარანტინში იმყოფება 2179 პირი.
_______________
ფოტოზე: NCDC- აჭარის სამმართველოს სამედიცინო პერსონალი ლაბორატორიაში. წყარო: nplg.gov.ge
