აჭარის ჯანდაცვის სამინისტროს ინფორმაციით, გასული 24 საათის განმავლობაში აჭარაში გამოკვლეული 297 პირიდან 2 მოქალაქეს დაუდასტურდა კორონავირუსი.
ორივე კოვიდინფიცირებული მძღოლია, ისინი საზღვრიდან გადაიყვანეს ცხელების ცენტრში და დადასტურების შემდეგ -“მედალფაში”. ამ ორი ახალი შემთხვევიდან ერთი დღეს, დილით დასახელებულ შემთხვევებს შორისაა.
აჭარის ჯანდაცვის სამინისტროს ინფორმაციით, პაციენტებს აქვთ მსუბუქი სიმპტომები.
აჭარაში კორონავირუსის შემთხვევა ბოლოს 19 ივნისს დადასტურდა, როცა კარანტინში მყოფ ქალს დაუდასტურდა Covid-19, თუმცა პაციენტი ქუთაისში გადაიყვანეს, როგორც აჭარის ჯანდაცვის სამინისტროში განმარტეს, პაციენტისვე თხოვნით.