Batumelebi | კორონავირუსით დაინფიცირებული ბათუმიდან ქუთაისში გადაიყვანეს კორონავირუსით დაინფიცირებული ბათუმიდან ქუთაისში გადაიყვანეს – Batumelebi

კორონავირუსით დაინფიცირებული ბათუმიდან ქუთაისში გადაიყვანეს

ბათუმიდან ქუთაისის ინფექციურ საავადმყოფოში კორონავირუსით დაინფიცირებული ქალი გადაიყვანეს.

აჭარის ჯანდაცვის სამინისტროს პრესსამსახურის ინფორმაციით, ქალს თურქეთში მოგზაურობის ისტორია აქვს და იგი კარანტინში იმყოფებოდა.

„პირი ბათუმში შემოვიდა, ერთი დღე იყო კარანტინში, აღენიშნებოდა სიმპტომები, გადმოიყვანეს ცხელების ცენტრში, ანალიზის პირველი პასუხი იყო საეჭვო, გადაამოწმეს ანალიზის პასუხი ხელახლა ქუთაისში და რადგან ქალი არ არის აჭარის მკვიდრი, მისივე სურვილით, გადაიყვანეს ქუთაისში. იგი კარანტინში იმყოფებოდა და კონტაქტი არავისთან ჰქონია,“ – გვითხრეს სამინისტროში.

კითხვაზე, რატომ გადაიყვანეს პაციენტი ქუთაისში და ხომ არ უკავშირდება ეს ტურისტულ სეზონზე აჭარის ე.წ. მწვანე ზონად შენარჩუნების მცდელობას, სამინისტროში გვითხრეს, რომ ასე არ არის, გადაყვანა ამ შემთხვევაში მოხდა პაციენტის სურვილით, რეგიონში კი არის კლინიკა, ცხელების ცენტრები და ქოვიდის მართვის გამოცდილება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com