ბათუმი,მთავარი,მთიანი აჭარა,სიახლეები

ქობულეთი ქუჩებისა და პარკების კეთილმოწყობის პროექტებში 150 ათას ლარს გადაიხდის

28.06.2020 • 2677
ქობულეთი ქუჩებისა და პარკების კეთილმოწყობის პროექტებში 150 ათას ლარს გადაიხდის

ქობულეთის მუნიციპალიტეტმა ქუჩების, ეზოების, სკვერების, პარკების, მოედნებისა და სხვადასხვა ტერიტორიის კეთილმოწყობის საპროექტო-სახარჯთაღრიცხვო დოკუმენტაციის შედგენაზე ელექტრონული ტენდერი გამოაცხადა. სატენდერო თანხა 150 000 ლარია.

შედგენილი პროექტების მიხედვით შემდგომში სამშენებლო სამუშაოების სავარაუდო ღირებულება არ უნდა აღემატებოდეს 12 მილიონ ლარს.

პირობის მიხედვით, „კონკრეტულ საპროექტო ობიექტის დასახელებას, მისამართს, დეტალურ საპროექტო დავალებას და საპროექტო-სახარჯთაღრიცხვო დოკუმენტაციის შედგენის ვადას [კონკრეტული ვადა განისაზღვრება საპროექტო ობიექტის შინაარსის და მოცულობიდან გამომდინარე, რომელიც შეიძლება იყოს არანაკლებ 20-40 კალენდარული დღე], მიმწოდებელს მუნიციპალიტეტი განუსაზღვრავს წერილობითი შეტყობინების საფუძველზე“.

ტენდერში გამარჯვებულმა, საპროექტო-სახარჯთაღრიცხვო დოკუმენტაცია ეტაპობრივად, მუნიციპალიტეტის მოთხოვნის შესაბამისად უნდა შეადგინოს – ხელშეკრულების გაფორმების დღიდან, 2020 წლის 31 დეკემბრის ჩათვლით პერიოდში.

მიმწოდებელი ვალდებულია გადასცეს შემსყიდველს სრული საპროექტო-სახარჯთაღრიცხვო დოკუმენტაცია, 5 ეგზემპლარად და მისი შესაბამისი ელექტრონული ვარიანტი.

ტენდერში წინადადებების მიღება 2020 წლის 3 ივლისს დაიწყება და 6 ივლისს შეწყდება.

დოკუმენტების მიხედვით, დაფინანსების წყარო აჭარის რესპუბლიკური ბიუჯეტია.

გადაბეჭდვის წესი


ასევე: