ბრაზილიაში კორონავირუსის პანდემიამ ბოლო 24 საათში 1473 ადამიანი იმსხვერპლა. ეს ახალი ანტირეკორდია ქვეყანაში, რომელშიც პანდემიის შედეგად 614 941 ადამიანია ინფიცირებული.
ბრაზილია მეორე ადგილზეა მსოფლიოში კორონავირუსით ინფიცირებულთა რაოდენობით, აშშ-ის შემდეგ.
მიუხედავად კორონავირუსით ინფიცირებული ადამიანების რაოდენობისა, ბრაზილიის ულტრაკონსერვატორი პრეზიდენტი, ჟაირ ბოლსონარუ Covid19-ს უბრალო გრიპს უწოდებს. პანდემიის მიმდინარეობისას ბრაზილიაში გადადგა ჯანდაცვის ორი მინისტრი და ამ დრომდე ამ პოსტზე არავინ დაუნიშნავთ.
ექსპერტები შიშობენ, რომ ვირუსისგან ყველაზე მეტად დაზარალდება ღარიბი მოსახლეობა და ადგილობრივი აბორიგენები, ბრაზილიის ძირძველი მოსახლეობა.
ჯონ ჰოპკინსის უნივერსიტეტის 5 ივნისის მონაცემებით, ბრაზილიაში Covid19-ით გარდაიცვალა 34 021 ადამიანი.
კორონავირუსის დადასტურებული შემთხვევების რიცხვი გაიზარდა ლათინური ამერიკის სხვა ქვეყნებშიც, პერუში, ჩილესა და მექსიკაში.
მსოფლიოში სულ დადასტურებულია ახალი კორონავირუსის 6 640 960 შემთხვევა. კორონავირუსისგან გარდაიცვალა 391 285 ადამიანი, განიკურნა – 2 873 330.
______________
ფოტოზე: ბრაზილია. კოვიდინფიცირებული პაციენტების სასაფლაო რიო დე ჟანეიროსთან. ფოტო გადაღებულია დრონით, 2020 წლის 8 მაისს. ფოტო: ევროპის პრესფოტო სააგენტო. EPA-EFE/ANTONIO LACERDA
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
