ჯონ ჰოპკინსის უნივერსიტეტის 25 მაისის მონაცემებით, ბრაზილია მეორე ადგილზეა ახალი კორონავირუსის გავრცელებით. ბოლო მონაცემებით, ბრაზილიაში ინფიცირებულია 363 211 ადამიანი, მათგან გარდაიცვალა 22 666 და განიკურნა – 149 911.
ამ ინფორმაციით, ბრაზილიის მონაცემები აღემატება რუსეთის მონაცემებს, სადაც, დღეის მონაცემებით, ინფიცირებულია 353 427 ადამიანი, მათგან, ოფიციალური მოსკოვის ინფორმაციით, გარდაცვლილია 3 633 ადამიანი, განიკურნა – 118 798.
Covid19-ის გავრცელებით პირველ ადგილზე ამერიკის შეერთებული შტატები, სადაც ახალი კორონავირუსით დაინფიცირდა 1 643 499 ადამიანი. მათგან გარდაიცვალა 97 722 პირი, განიკურნა – 366 736.
მსოფლიოში სულ დადასტურებულია ახალი კორონავირუსის 5 411 498 შემთხვევა. კორონავირუსისგან გარდაიცვალა 345 223 ადამიანი, განიკურნა – 2 169 958.
___________________
ფოტოზე: კოვიდინფიცირებულთა სასაფლაო რიო დე ჟანეიროსთან. ფოტო გადაღებულია დრონით, 2020 წლის 8 მაისს. ფოტო: ევროპის პრესფოტო სააგენტო. EPA-EFE/ANTONIO LACERDA
