Batumelebi | აჭარაში ახალ ტურისტულ მარშრუტებს იკვლევენ აჭარაში ახალ ტურისტულ მარშრუტებს იკვლევენ – Batumelebi

აჭარაში ახალ ტურისტულ მარშრუტებს იკვლევენ

აჭარის ტურიზმის დეპარტამენტი აჭარის მუნიციპალიტეტების ტურისტულ შესაძლებლობებს იკვლევს.

კვლევა ხელვაჩაურსა და ქედაში ტურისტულ ღირსშესანიშნაოებებს, ჩანჩქერებს, მთებსა და სხვა ტურისტულ ობიექტებს მოიცავს.

ასევე დაგეგმილია გონიო-კვარიათი-სარფის მიმართულებით ლაზური თემატიკის ტურისტული პროდუქტის შექმნა. ხოლო ხულოს მუნიციპალიტეტში გოდერძის უღელტეხილისა და ბეშუმის მიმდებარე ტერიტორიებთან არსებული ნამარხი ტყეებისა და იქ არსებული სამკურნალო ტალახების ლაბორატორიული შესწავლა.

ტურისტული პოტენციალის კვლევას აჭარის ტურიზმის დეპარტამენტის ტურისტული პროდუქტების განვითარების სააგენტო ატარებს. სწორედ ამ კვლევაზე დაყრდნობით უნდა მომზადეს ახალი ტურისტული მარშრუტები.

როგორც დეპარტამენტში განმარტავენ, მიზანი, ახალი ტურისტული მიმართულებების აღმოჩენაა. გათვლა კეთდება როგორც 2-3 დღიან მარშრუტებზე, ისე 2-3 საათიანზე. რაც საშუალებას მისცემს ტურისტს აირჩიოს მისთვის სასურველი მიმართულება და ისე დაგეგმოს მთიან აჭარაში მოგზაურობა.

დღეისათვის აჭარაში 15-მდე მარშრუტია მარკირებული, რომელიც განკუთვნილია ღვინის ტურიზმის, კულტურული ტურიზმის, ეკოტურიზმის, სამთო ტურიზმისა თუ სათავგადასავლო ტურიზმის მოყვარულთათვის.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.