Batumelebi | მოქალაქემ სოფელთან ახლოს, ტყეში შვლის ნუკრი იპოვა მოქალაქემ სოფელთან ახლოს, ტყეში შვლის ნუკრი იპოვა – Batumelebi

მოქალაქემ სოფელთან ახლოს, ტყეში შვლის ნუკრი იპოვა

„ზედა მახუნცეთში პატარა შველი ვნახეთ დედის გარეშე“, – უთხრა „ბათუმელებს“ ნარგიზ მახარაძემ.

ნარგიზ მახარაძის თქმით, შველი ტყეში მისმა შვილმა იპოვა.

„ტყეში იყო ჩემი შვილი. ხის ძირში იდგა მარტოო. მოეფერა და წავიდა. როცა უკან დაბრუნდნენ, ისევ იმ ხის ძირში დახვდა ნუკრი. წამოიყვანა სახლში. კარგად იყო, არავითარი დაზიანება არ ჰქონია,  წყალი მივეცი, მაგრამ არ დალია. მერე პურის ნამცეცებიც მივეცი, არც პური შეჭამა“, – გვიყვება ნარგიზ მახარაძე.

ამის შემდეგ ოჯახმა გადაწყვიტა 112-ზე დაერეკა.

„მოვიდა პოლიციის უფროსი და წაიყვანა“, – გვითხრა ნარგიზ მახარაძემ.

შვლის ნუკრი, სოფელი მახუნცეთი

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.