Batumelebi | აჭარის მთაში სასოფლო-სამეურნეო მიწის ნაკვეთებთან მისასვლელ სამანქანე გზებს გაწმენდენ აჭარის მთაში სასოფლო-სამეურნეო მიწის ნაკვეთებთან მისასვლელ სამანქანე გზებს გაწმენდენ – Batumelebi
RU | GE  

აჭარის მთაში სასოფლო-სამეურნეო მიწის ნაკვეთებთან მისასვლელ სამანქანე გზებს გაწმენდენ

აჭარის საავტომობილო გზების დეპარტამენტი ქედის, შუახევისა და ხულოს მუნიციპალიტეტში სასოფლო-სამეურნეო მიწის ნაკვეთებთან მისასვლელი სამანქანე გზების სარეაბილიტაციო სამუშაოებს ახორციელებს.

არსებული გზები ამორტიზებული იყო და ადგილობრივებს გადაადგილებისას პრობლემები ექმნებოდათ.

ამჯერად საგაზაფხულო სამუშაოებისთვის ადგილობრივები რეაბილიტირებული გზებით შეუფერხებლად ისარგებლებენ.

აჭარის საავტომობილო გზების დეპარტამენტი მაღალმთიანი აჭარის მუნიციპალიტეტებში – ქედა, შუახევი, ხულო, 25 მიმართულებით გზების სარეაბილიტაციო სამუშაოებს ეტაპობრივად განახორციელებს.

ქედის მუნიციპალიტეტში მიმდინარე სამუშაო პროცესს აჭარის საავტომობილო გზების დეპარტამენტის უფროსი მუხრან კაკაბაძე, აჭარის სოფლის მეურნეობის მინისტრი ტიტე აროშიძე და ქედის მუნიციპალიტეტის მერი ლევან გორგილაძე დაესწრნენ.

ნეტგაზეთის მასალების სხვა გამოცემებში გადაბეჭდვის წესი
ავტორი