დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე პაატა იმნაძე
——————————————————————————————————–
ჟურნალისტი: ვხედავთ, რომ ქალაქებში არის საცობები. მოქალაქეები ამბობენ, რომ ქუჩაში გადიან მცირე ხნით, სეირნობენ, ამბობენ, რომ იცავენ დისტანციას და უბრალოდ სუფთა ჰაერზე სეირნობენ. ასეთ დროს რა არის გასაკეთებელი, კიდევ არის თუ არა გასამკაცრებელი ზომები?
პაატა იმნაძე: „აი, რომ დაემართებათ იგივე, რაც იტალიაში დაემართათ, მერე ვეღარ ისეირნებენ“.
ჟურნალისტი: თუ სახლებში დარჩებიან, გვრჩება კიდევ რამე შანსი, რომ ეს ცუდი სცენარები არ გამართლდეს?
პაატა იმნაძე: “რა თქმა უნდა. იმიტომ, რომ ჩვენი დინამიკა დღემდე იყო ისეთი, რომელიც ჩვენ გვაძლევს იმის საშუალებას, რომ შედარებით ნაკლები დანაკარგებით, აქ საუბარი არ არის მხოლოდ ეკონომიკურ დანაკარგებზე, აქ ლაპარაკია ადამიანების სიცოცხლეზე. ნაკლები ადამიანის სიცოცხლის ხარჯზე გავუძვრებით ამ ეპიდემიას. თუ არა, მოგველის ის, რაც იყო იტალიაში. ვეღარ ავითვლით საქართველოში კუბოებს. აი, ეს გვინდა?
დავრჩეთ სახლში.”
წყარო: პირველი არხი, მოამბე
