Batumelebi | ზაალ მიქელაძე: ქობულეთის კლასტერის კვლევა დასრულებულია ზაალ მიქელაძე: ქობულეთის კლასტერის კვლევა დასრულებულია – Batumelebi

ზაალ მიქელაძე: ქობულეთის კლასტერის კვლევა დასრულებულია

„ქობულეთის კლასტერის სრული კვლევა დასრულებულია… ამ კლასტერში გვყავს 410 ადამიანი, რომელზეც გრძელდება ეპიდემიოლოგიური ზედამხედველობა,“ – აცხადებს აჭარის ჯანდაცვის მინისტრი, ზაალ მიქელაძე.

ზაალ მიქელაძის ინფორმაციით, ნებისმიერი კლინიკური ნიშნის გამოჩენის შემთხვევაში, განმეორებითი კვლევა ჩატარდება. მინისტრის თქმით, დღეს ცხელების ცენტრში გადაყვანილი 18 მოქალაქის და ასევე, ქობულეთის კონტაქტირებული 15 მოქალაქის ანალიზის კვლევის მიხედვით, ვირუსი არც ერთ მათგანს არ დაუდასტურდა.

„.დღეს ჩატარდა ქობულეთში 2300 თერმოსკრინინგი, ჯამში, ბოლო სამ დღეში ჩატარდა 7800 თერმოსკრინინგი…. შევძელით ქობულეთის კლასტერის სრული კვლევის დასრულება,“ – აღნიშნა აჭარის ჯანდაცვის მინისტრმა.

აჭარის ჯანდაცვის სამინისტროს ინფორმაციით, ქობულეთის კლასტერთან კონტაქტირებული რამდენიმე პირი სხვა რეგიონში ცხოვრობს და მათთან ამ რეგიონში მყოფი ეპიდემიოლოგები იმუშავებენ.

ამ დრომდე ქობულეთის კლასტერში ახალი კორონავირუსით ინფიცირების 29 შემთხვევაა დადასტურებული.

დადგენილი 410 კონტაქტირებული პირიდან 200-ზე მეტი გამოკვლეულია.

ქობულეთის კლასტერი უკავშირდება პაციენტს, რომლის ინფიცირების წყარო უცნობია. სწორედ მისი ინფიცრების ფაქტი გამოვლინდა პირველად, თუმცა უცნობია, ქალი ქობულეთში დაინფიცირდა თუ არა. მას შემდეგ, რაც ქალს კორონავირუსი დაუდგინდა, ეპიდემიოლოგიური კვლევით დადასტურდა  ახალი შემთხვევები. კორონავირუსი აღმოაჩნდათ მასთან კონტაქტში მყოფ პირებს, მათ შორის, ოჯახის წევრებსა და მეზობლებს და მათთან კონტაქტში მყოფ პირებსაც.

ნეტგაზეთის მასალების სხვა გამოცემებში გადაბეჭდვის წესი
ავტორი