ქობულეთის კლასტერში ინფიცირებულთა რაოდენობა გაიზარდა და 29 ადამიანს შეადგენს – ამის შესახებ აჭარის ჯანდაცვის მინისტრის მოადგილემ ნინო ნიჟარაძემ განაცხადა დღეს, 15 აპრილს.
დღეს ოთხი ახალი შემთხვევის შესახებ გახდა ცნობილი, მათ შორის ერთი არასრულწლოვანია.
ნინო ნიჟარაძის თქმით, ქობულეთის კლასტერთან დაკავშირებით დადგენილია 410 კონტაქტირებული პირი, მათგან 210 პირი გამოკვლეულია.
ქობულეთის კლასტერი უკავშირდება პაციენტს, 54 წლის ქალს, რომლის ინფიცირების წყარო უცნობია. მას შემდეგ, რაც ქალს კორონავირუსი დაუდგინდა, ეპიდემიოლოგიური კვლევით დადასტურდა ახალი შემთხვევები. კორონავირუსი აღმოაჩნდათ მასთან კონტაქტში მყოფ პირებს, მათ შორის, ოჯახის წევრებსა და მეზობლებს და მათთან კონტაქტში მყოფ პირებსაც.
ამავე თემაზე:
