შს სამინისტროს ინფორმაციით, ქვემო ქართლის პოლიციის დეპარტამენტის მიერ ჩატარებული საგამოძიებო მოქმედებების შედეგად, დაკავებულია 1971 წელს დაბადებული მოქალაქე, ოჯახში ძალადობის ბრალდებით.
„გამოძიებით დადგინდა, რომ ბრალდებულმა არასრულწლოვან შვილს, 2008 წელს დაბადებულ შ.ვ.-ს სიტყვიერი და ფიზიკური შეურაცხყოფა მიაყენა“, – ნათქვამია შს სამინისტროს განცხადებაში.
დანაშაული 3 წლამდე თავისუფლების აღკვეთა ითვალისწინებს. დაკავებული პირი ირანის რესპუბლიკის მოქალაქეა.
გამოძიება წინასწარი შეცნობით არასრულწლოვნის მიმართ ჩადენილ ოჯახში ძალადობის ფაქტზე, საქართველოს სსკ-ის 126-ე პრიმა მუხლის მე-2 ნაწილის „ა“ ქვეპუნქტით მიმდინარეობს.
