Batumelebi | შეიძლება დემნა გვასალიამ ასეთი გამოუშვას – პაატა იმნაძე პირბადეებზე შეიძლება დემნა გვასალიამ ასეთი გამოუშვას – პაატა იმნაძე პირბადეებზე – Batumelebi

შეიძლება დემნა გვასალიამ ასეთი გამოუშვას – პაატა იმნაძე პირბადეებზე

„მერე შეიძლება დემნა გვასალიამ ეგეთი გამოუშვას, იმიტომ, რომ ეგეთი რამეები მოსწონს ხოლმე,“ – აღნიშნა პაატა იმნაძემ, დაავადებათა კონტროლის ეროვნული ცენტრის დირექტორის მოადგილემ, დღეს, 10 აპრილს, ბრიფინგზე, როცა მას დაუსვეს შეკითხვა ქართული წარმოების პირბადეების დიზაინის შესახებ.

„მე ვიზუალსაც ვერაფერს ვუწუნებ. დღევანდელი თაობა განებივრებულია პირბადეების ნაირსახეობებით, რომელიც არსებობს ბაზარზე, უფრო სწორად, იყო მსოფლიოში. მოგეხსენებათ, დღეს მსოფლიოში ყველგან დეფიციტია, გუშინ იაპონიის პრემიერ-მინისტრი რომ ვნახე, სხვათა შორის, ამის დიზაინი ბევრად უკეთესია.

ეს არის ანა-ბანა, სანამ იქნებოდა ეს ნიღბები, ჩვენ ყველანი, მათ შორის ჩემი სამსახური, რომელსაც ყველაზე საშინელი სახელი ერქვა საქართველოში, „შავი ჭირი“ გვერქვა და ვმუშაობდით არა მარტო შავ ჭირზე. ყვავილის ვირუსზე მუშაობდნენ ასეთი პირბადეებით, აი, ასეთით. ეს იცავს წვეთოვანი ინფექციებისგან ძალიან ეფექტურად. ეს [კორონავირუსი] არის წვეთოვანი ინფექცია.

ჩვენ ექიმებს ვურჩევთ იხმარონ რესპირატორი, 95 ნომერი რომ ჰქვია, მხოლოდ იმ დროს, როცა ექიმები ახორციელებენ, ვთქვათ, ინტუბაციას, სადაც აეროზოლიზაციის რისკი არის მაღალი.

დანარჩენ ყველა შემთხვევაში ეს ექიმმაც კი შეიძლება იხმაროს უპრობლემოდ, არათუ მოსახლეობამ, “ – განაცხადა პაატა იმნაძემ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com