Batumelebi | ესპანეთში კორონავირუსით გარდაცვლილთა რაოდენობა მესამე დღეა იკლებს ესპანეთში კორონავირუსით გარდაცვლილთა რაოდენობა მესამე დღეა იკლებს – Batumelebi

ესპანეთში კორონავირუსით გარდაცვლილთა რაოდენობა მესამე დღეა იკლებს

ესპანეთში უკვე ზედიზედ მესამე დღეა იკლებს Covid-19-ით გარდაცვლილთა რაოდენობა – ბოლო 24 საათში ქვეყანაში გარდაიცვალა კორონავირუსით ინფიცირებული 674 პაციენტი, რაც 135-ით ნაკლებია პარასკევის, 3 აპრილის მონაცემებზე – წერს BBC.

ესპანეთის პრემიერ-მინისტრმა, პედრო სანჩესმა განაცხადა, რომ ქვეყანა ახლოსაა დაავადების გავრცელების პიკის დასრულებასთან. მან ესპანეთში კარანტინი 25 აპრილამდე გაახანგრძლივა და განაცხადა, რომ ეს აუცილებელია ადამიანების გადასარჩენად, და, ასევე, კარანტინის დამატებით ორი კვირა მუშაობას შეუმსუბუქებს ჯანდაცვის სისტემას.

5 აპრილის მონაცემებით, ესპანეთი მეორე ქვეყანაა მსოფლიოში, აშშ-ის შემდეგ, კორონავირუსით ინფიცირებული პირების სიმრავლით. ქვეყანაში სულ 130 759 ადამიანია ინფიცირებული Covid-19-ით, გარდაიცვალა 12 418 ადამიანი, გამოჯანმრთელდა 38 080 პირი.

___________

ფოტოზე: ჯანდაცვის სფეროს წარმომადგენლები მადლიერების ტაშს ეხმაურებიან მადრიდში, 4 აპრილს. ფოტო: ევროპის პრესფოტო სააგენტო. EPA/Kiko Huesca

ამავე თემაზე: 

ესპანეთში ერთ დღეში 514 ადამიანი იმსხვერპლა COVID-19-მა – ექიმებს ვირუსთან გამკლავება უჭირთ

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.