Batumelebi | 5 ქვეყანა, სადაც კორონავირუსის ყველაზე მეტი შემთხვევაა დადასტურებული 5 ქვეყანა, სადაც კორონავირუსის ყველაზე მეტი შემთხვევაა დადასტურებული – Batumelebi
ნიუ იორკი კორონავირუსი

5 ქვეყანა, სადაც კორონავირუსის ყველაზე მეტი შემთხვევაა დადასტურებული

ჯონ ჰოპკინსის უნივერსიტეტის 4 აპრილის, 23 საათის მონაცემების თანახმად, კორონავირუსის ყველაზე მეტი დადასტურებული შემთხვევა ამერიკის შეერთებულ შტატებში დაფიქსირდა.

ხუთ ქვეყანას შორის, სადაც COVID-19-ის ყველაზე მეტი შემთხვევაა დადასტურებული, აღარ არის ჩინეთი, საიდანაც ვირუსი გავრცელდა მსოფლიოში 2020 წლის იანვრიდან.

ბოლო მონაცემებით, მსოფლიოში COVID-19-ის 1 181 825 შემთხვევაა დადასტურებული. მათ შორის:

  • ამერიკის შეერთებული შტატები – 300 915 დადასტურებული შემთხვევა
  • ესპანეთი – 124 736 დადასტურებული შემთხვევა
  • იტალია – 124 632 დადასტურებული შემთხვევა
  • გერმანია – 92 150 დადასტურებული შემთხვევა
  • საფრანგეთი – 90 842 დადასტურებული შემთხვევა

ამ ქვეყნებს შორის კორონავირუსით გარდაცვალების ყველაზე მეტი, 15 362 შემთხვევა იტალიაში დაფიქსირდა, ყველაზე ნაკლები – 1 330 – გერმანიაში.

რაც შეეხება საქართველოს, იგი COVID-19-ის რუკაზე ჯერჯერობით იმ ქვეყნებს შორისაა, სადაც კორონავირუსის შემთხვევათა რაოდენობა შედარებით მცირეა. ბოლო მონაცემებით, საქართველოში დადასტურებულია კორონავირუსის 162 შემთხვევა. მათ შორის გამოჯანმრთელდა 36 პაციენტი, გარდაიცვალა ერთი პაციენტი. 

______________

ნიუ იორკი. ფოტო: ევროპის პრესფოტო სააგენტო.EPA/JUSTIN LANE

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com