Batumelebi | საქართველოში კორონავირუსით გარდაიცვალა პირველი პაციენტი საქართველოში კორონავირუსით გარდაიცვალა პირველი პაციენტი – Batumelebi

საქართველოში კორონავირუსით გარდაიცვალა პირველი პაციენტი

საქართველოში, პირველ საუნივერსიტეტო კლინიკაში გარდაიცვალა პაციენტი კორონავირუსის დიაგნოზით.

ამის შესახებ დღეს, 4 აპრილს, თბილისის საუნივერსიტეტო კლინიკის დირექტორმა, ლევან რატიანმა განაცხადა.

გარდაცვლილია კორონავირუსით ინფიცირებული 79 წლის ქალი ე.წ. „მარნეულის კლასტერიდან“. მას თანმხლები დაავადებები ჰქონდა.

„31 მარტს ჩვენს კლინიკაში შემოყვანილ იქნა კრიტიკული პაციენტი, ასაკით 79 წლის, რომელთანაც დადასტურებული იყო კოვინფექცია.

ანამნეზში ამ პაციენტთან იყო ბოლო ექვსი თვის განმავლობაში წონის მკვეთრი დეფიციტი, კვლევების შედეგად დადასტურდა ორმხრივი მწვავე პნევმონია, პნევმოთორაქსი, მწვავე რესპირატორული დისტრესი და სეფსისი ჰემოდინამიკის რღვევით. პაციენტი მოთავსდა რეანიმაციულ განყოფილებაში, დაწყებული იქნა მკურნალობა, მაგრამ დღეს, დილის 9 საათზე, სამწუხაროდ დაფიქსირდა ლეტალობა“ – განაცხადა ლევან რატიანმა.

4 აპრილის 12 საათის მონაცემებით, საქართველოში სულ დადასტურებულია კორონავირუსის 156 შემთხვევა, მათგან 28 პაციენტი გამოჯამრთელდა, 1 – გარდაიცვალა.

ამავე თემაზე

როგორ უნდა დაიკრძალოს COVID-19-ით გარდაცვლილი – მინისტრის ბრძანება

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com