ხელფასის 1/3-ს კორონავირუსთან ბრძოლის ფონდში გადავრიცხავთ – ბათუმის მერია

ბათუმის მერიის ინფორმაციით, ბათუმის მერი, მოადგილეები და მერიის მაღალი თანამდებობის პირები, ასევე, მერიის დაქვემდებარებაში მყოფი შპს-ებისა და ა(ა)იპ-ების ხელმძღვანელები მომდევნო სამი თვის განმავლობაში ხელფასის 1/3-ს  კორონავირუსთან ბრძოლის ფონდში გადარიცხავენ.

ამის შესახებ ბათუმის მერია დღეს, 4 აპრილს ავრცელებს განცხადებას.

„ჩვენ ვაცნობიერებთ ქვეყნის წინაშე არსებულ გამოწვევებს და ყველაფერს გავაკეთებთ კორონავირუსის გავრცელების წინააღმდეგ ბრძოლისთვის.

ასევე მადლობას ვუხდი ყველა იმ ადამიანს, რომლებიც ჩართულები არიან ჩვენი მოქალაქეების დახმარების პროცესში. ჩვენ ყველა ერთად დავძლევთ ამ რთულ და კრიზისულ პერიოდს“ – ნათქვამია ბათუმსი მერიის მიერ გავრცელებულ განცხადებაში.

კორონავირუსთან ბრძოლის ფონდში ხელფასის 1/3-ის გადარიცხვას აპირებენ აჭარის მთავრობისა და უმაღლესი საბჭოს წევრებიც.