აჭარის კულტურული მემკვიდრეობის დაცვის სააგენტომ სკოლის მოსწავლეებისათვის კონკურსი – „დახატე ისტორია“ გამოაცხადა. კონკურსის პირობების მიხედვით კონკურსანტმა უნდა დახატოს აჭარაში არსებული ისტორიული ძეგლი ან მუზეუმში დაცული ექსპონატი. ნამუშევარი უნდა შესრულდეს A4 ზომის თაბახის ფურცელზე.
კონკურსანტს შეუძლია სურვილისამებრ შეარჩიოს მასალა [ფანქარი, ფლომასტერი, საღებავი], ნახატს დასრულების შემდეგ უნდა გადაუღოს ფოტო [ნახატი აუცილებლად შეინახეთ], მიუთითოს სახელი, გვარი, ასაკი, საკონტაქტო ნომერი და გააგზავნოს მისამართზე: info@ajaraheritage.ge ან სააგენტოს Facebook გვერდზე.
კონკურსის პირობების მიხედვით ერთ მოსწავლეს შეუძლია რამდენიმე ნახატის გაგზავნა.
სააგენტოს ინფორმაციით, ნახატები პერიოდულად აიტვირთება სააგენტოს ფეისბუქგვერდზე.
ნამუშევრების მიღება დაიწყება დღეიდან, 3 აპრილიდან და დასრულდება მიმდინარე წლის 15 მაისს.
კონკურსში გამარჯვებულებს სააგენტო გადასცემს სიგელებს და სამახსოვშერო საჩუქრებს.
