დღეს, 31 მარტს, 21:00 საათიდან, ამოქმედდა საგანგებო მდგომარეობის ფარგლებში გამოცხადებული გადაადგილების შეზღუდვა, რომელიც დილის 06:00 საათამდე გაგრძელდება.
ამ წუთებიდან გადაადგილება აკრძალულია როგორც ქვეითად, ასევე სატრანსპორტო საშუალებებით.
„შეზღუდვა არ ეხება მხოლოდ სატვირთო მანქანებს, იმ სუბიექტების სატრანსპორტი საშუალებებს, რომელთა საქმიანობაც არის კრიტიკულად მნიშვნელოვანი.
მაგალითად, ისეთი, როგორიცაა პოლიცია, სამხედროები, წინასწარ განსაზღვრული სამედიცინო მანქანები, ზოგიერთი საჯარო მოხელეები და სხვა ამდაგვარი.
გთხოვთ, დაიცვათ ეს რეჟიმი, დაუმორჩილებლობის შემთხვევაში გათვალისწინებულია ჯარიმები, ფიზიკურ პირებზე – 3 ათასი ლარი, იურიდიულ პირებზე – 15 ათასი ლარი“, – განაცხადა სპეციალურ ბრიფინგზე ირაკლი ჩიქოვანმა, პრემიერ-მინისტრის პერესსპიკერმა.
ამავე თემაზე:
ვის დასჭირდება სპეციალური საშვი 31 მარტიდან – კომენდანტის საათი
