ცოლსა და შვილზე ფიზიკური ძალადობისთვის ოზურგეთში კაცს 6 თვით თავისუფლების აღკვეთა შეუფარდეს. გადაწყვეტილება მოსამართლე მარინა კიკნაძემ მიიღო.
განაჩენის მიხედვით, ბრალდებული იმ საღამოს, როცა ძალადობა მოხდა, სახლში ნასვამი დაბრუნდა და გაზქურაზე კვერცხის შეწვას ცდილობდა, მას ტაფა იატაკზე გადმოუვარდა. ბრალდებულმა ტაფის გადმოვარდნა იქვე მყოფ ქალიშვილს დააბრალა და თავში ხელი რამდენჯერმე ჩაარტყა.
მეორე დილით ბრალდებულმა ცოლს აგინა და ხელი დაარტყა მას შემდეგ, როცა ქალმა შვილზე ძალადობისთვის ქმარს კითხვა დაუსვა. “შენ ვინ გეკითხება, როგორ მოვექცევი ჩემს შვილს?”- უკითხავს ბრალდებულს.
დაცვის მხარეს სადავოდ არ გაუხდია ამ საქმეზე პროკურატურის მიერ წარმოდგენილი მტკიცებულებები. შესაბამისად, მოსამათლეს დაზარალებულთა ჩვენებები არ მოუსმენია.
ბრალდებულმა დანაშაულის ჩადენა აღიარა და პატიება ითხოვა.
