Batumelebi | ყაჩაღობისთვის დაკავებული პირი სამედიცინო დაწესებულებაში გარდაიცვალა – შსს ყაჩაღობისთვის დაკავებული პირი სამედიცინო დაწესებულებაში გარდაიცვალა – შსს – Batumelebi
RU | GE  

ყაჩაღობისთვის დაკავებული პირი სამედიცინო დაწესებულებაში გარდაიცვალა – შსს

ყაჩაღობისთვის დაკავებული პირი – 30 წლის შ.ს. სამედიცინო დაწესებულებაში გარდაიცვალა. ინფორმაციას შინაგან საქმეთა სამინისტრო ავრცელებს.

შსს-ს ინფორმაციით, ბრალდებული 18 მარტს დააკავეს იმერეთის პოლიციის დეპარტამენტის თანამშრომლებმა და დროებითი მოთავსების იზოლატორში გადაიყვანეს, სადაც ბრალდებულმა შ.ს.-მ თვითმკვლელობა სცადა.

შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

„ბრალდებული სამედიცინო დაწესებულებაში გადაიყვანეს, თუმცა მისი სიცოცხლის გადარჩენა ვერ მოხერხდა და სამწუხაროდ გარდაიცვალა,“ – აღნიშნულია შინგან საქმეთა სამინისტროს მიერ გავრცელებულ ინფორმაციაში.

გამოძიების ვერსიით, ბრალდებული ქალაქ ვანში სუპერმარკეტ ,,მაგნიტის“ მოლარე-ოპერატორს ცეცხლსასროლი იარაღით დაემუქრა და ფული გაიტაცა.

შს სამინისტროს ინფორმაციით, თვითმკვლელობამდე მიყვანის ფაქტზე დაწყებული სისხლის სამართლის საქმე, შემდგომი გამოძიების უზრუნველყოფის მიზნით, სახელმწიფო ინსპექტორის სამსახურს უკვე გადაეგზავნა.

ნეტგაზეთის მასალების სხვა გამოცემებში გადაბეჭდვის წესი
ავტორი