Batumelebi | მარკეტების, აფთიაქების, ბანკების, ფოსტისა და ბენზინგასამართების გარდა სავაჭრო ობიექტები იხურება მარკეტების, აფთიაქების, ბანკების, ფოსტისა და ბენზინგასამართების გარდა სავაჭრო ობიექტები იხურება – Batumelebi

მარკეტების, აფთიაქების, ბანკების, ფოსტისა და ბენზინგასამართების გარდა სავაჭრო ობიექტები იხურება

საქართველოში ყველა სავაჭრო ობიექტი დაიკეტება, გარდა სასურსათო, სააფთიაქო, საფოსტო, ბენზინგასამართი და საბანკო ობიექტებისა – ამის შესახებ დღეს, 19 მარტს, საქართველოს პრემიერ-მინისტრმა გიორგი გახარიამ განაცხადა უშიშროების საბჭოს სხდომის დასრულების შემდეგ.

„კონსულტაციების შედეგად სულ უფრო და უფრო ვრწმუნებით, რომ იწყება შიდა გავრცელების ეტაპი და იძულებულიები ვართ გადავდგათ შემდგომი ნაბიჯები გამკაცრების:

ყველა სავაჭრო ობიექტი, ქვეყნის მასშტაბით, გარდა სასურსათო მაღაზიების, სააფთიაქო ქსელისა, ბენზინგასამართი ქსელისა, საფოსტო გზავნილების ქსელისა და ასევე, საბანკო განყოფილებებისა, უნდა იყოს დახურული იმისთვის, რომ ქვეყანაში სოციალური დისტანციის დაცვის და მობილურობის ხარისხი შევზღუდოთ. ეს არის ჩვენი მოქალაქეების ჯანმრთელობისთვის მიღებული აუცილებელი ნაბიჯი“ – განაცხადა გიორგი გახარიამ.

ბოლო მონაცემებით, საქართველოში დადასტურებულია COVID-19-ის 40 შემთხვევა, 1 პაციენტი გამოჯანმრთელდა, კარანტინის რეჟიმში იმყოფება 1592 ადამიანი, სტაციონარში მეთვალყურეობის ქვეშ – 262 პირი. 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com