ბათუმის ბულვარის ტერიტორიაზე განთავსებული ობიექტები შეღავათით ისარგებლებენ. ამის შესახებ აჭარის მთავრობის თავმჯდომარემ, თორნიკე რიჟვაძემ დღეს, 19 მარტს, გამართულ ბრიფინგზე აღნიშნა.
თორნიკე რიჟვაძის თქმით, მან უკვე მისცა დავალება აჭარის ფინანსნთა და ეკონომიკის სამინისტროს საქვეუწყებო დაწესებულება „ბათუმის ბულვარს“ იმაზე, რომ „მოახდინოს საშეღავათო პირობების შემუშავება ბულვარში განთავსებულ ობიექტებთან დაკავშირებით“.
„ვეცდებით მაქსიმალურად, რომ გავითვალისწინოთ მეწარმეების, მოიჯარეების ინტერესები, შექმნილი ფორსმაჟორული გარემოებები მტკივნეულად არ დააწვეთ მათ,“ – თქვა თორნიკე რიჟვაძემ.
მას არ დაუკონკრეტებია, რა სახის საშეღავათო პირობებით ისარგებლებენ ბათუმის ბულვარში განთავსებული ობიექტები ან რატომ არ ეხება ეს შეღავათი სხვა ბიზნესს.
თორნიკე რიჟვაძის დღევანდელ ბრიფინგს ჟურნალისტები არ დასწრებიან. ვიდეოკომენტარი თორნიკე რიჟვაძის ოფიციალურ ფეისბუქგვერდზე გავრცელდა.
