17 მარტის მონაცემებით, საქართველოში კორონავირუსის 34 დადასტურებული შემთხვევაა. კარანტინის რეჟიმში 1008 ადამიანი იმყოფება, 64 პირი კი სტაციონარში მეთვალყურეობის ქვეშ რჩება.
აჭარის ჯანდაცვის სამინისტროს ინფორმაციით, ორ პირს, რომლებსაც ბათუმის ინფექციურ საავადმყოფოში ბათუმში COVID-19-ზე იკვლევდნენ, კორონავირუსი არ დაუდასტურდა. ისინი საკარანტინე სივრცეში დაბრუნდნენ.
დღეს ბათუმის ინფექციურის ბოქსირებულ განყოფილებაში კიდევ ერთი პირი შეიყვანეს კორონავირუსზე ეჭვით. ანალიზის პასუხი მოკლე ხანში იქნება ცნობილი.
რაც შეეხება პაციენტს, რომელსაც ბათუმის ინფექციურ საავადმყოფოში დადასტურებული კორონავირუსის დიაგნოზით მკურნალობს, მისი ჯანმრთელობის მდგომარეობა დამაკმაყოფილებელია.
ამ დროისათვის ბათუმში კარანტინში უკვე 300-ზე მეტი პირი იმყოფება. მათზე მონიტორინგი ხორციელდება.
