მთავარი,სიახლეები

ბათუმში კორონავირუსის ერთ ტესტზე საჭირო გახდა დამატებითი კვლევა

15.03.2020 • 1546
ბათუმში კორონავირუსის ერთ ტესტზე საჭირო გახდა დამატებითი კვლევა

აჭარის ჯანდაცვის მინისტრის მოადგილის, ნინო ნიჟარაძის განცხადებით, აჭარაში კორონავირუსის დადასტურებული შემთხვევა არ არის, თუმცა, ერთი ტესტის პასუხი გადაგზავნილია თბილისში, ლუგარის ლაბორატორიაში.

„ჯერჯერობით აჭარაში არ გვაქვს კორონავირუსის დადასტურებული შემთხვევა. რაც შეეხება გუშინდელ შემთხვევას, სამი კვლევა ჩატარდა, მათგან ორის პასუხი იყო მკვეთრად უარყოფითი, მაგრამ მესამე ტესტის პასუხი არ იძლეოდა საფუძველს, გვეთქვა, რომ ეს იყო უარყოფითი ან დადებითი პასუხი, შესაბამისად, საჭირო გახდა დამატებითი კვლევის ჩატარება ლუგარის ლაბორატორიაში, თბილისში. ნიმუში გადაგზავნილია, დღის ბოლოსთვის გვეცოდინება პასუხი“ – განაცხადა ნინო ნიჟარაძემ.

მისივე თქმით, პირი, რომლის ანალიზის პასუხიც დღეს უნდა გაირკვეს ლუგარის ლაბორატორიაში, საფრანგეთიდან ჩამოვიდა და კარანტინში იმყოფებოდა:

„მთელი ეკიპაჟი ქუთაისიდან გადაყვანილი იქნა ბათუმის კარანტინის ზონაში ორი დღის წინ. ისინი აეროპორტიდან გადაყვანილ იქნენ საკარანტინო ზონაში ავტობუსებით და არავისთან არ ჰქონიათ კონტაქტი“ – აღნიშნა ნინო ნიჟარაძემ.

ბოლო მონაცემებით, საქართველოში კორონავირუსის 30 დადასტურებული შემთხვევაა. კარანტინის რეჟიმში 439 პაციენტი იმყოფება, 64 კი სტაციონარში მეთვალყურეობის ქვეშ რჩება.

გადაბეჭდვის წესი


ასევე: