სამოქალაქო განათლების პედაგოგთა ფორუმი, ორგანიზაცია „ახალგაზრდები მშვიდობისთვის და თანასწორობისთვის“ პარტნიორობით ახორციელებს საერთაშორისო პროექტს „1+1 ერთობლივი ძალისხმევა დემოკრატიული კულტურისთვის“, რომელიც დაფინანსებულია ევროკავშირის ახალგაზრდული პროგრამის Erasmus + ფარგლებში.
პროექტი მიზნად ისახავს სკოლებისა და ახალგაზრდული ორგანიზაციების /მუშაკების პარტნიორობით ხელი შეუწყოს დემოკრატიული კულტურის კომპეტენციების განვითარებას.
პროექტის ფარგლებში, კონკურსის გზით შერჩეულ 6 სკოლის სამოქალაქო განათლების პედაგოგს, დირექტორს და ახალგაზრდულ მუშაკს შესაძლებლობა ექნება მონაწილეობა მიიღოს სასწავლო ვიზიტებში და გაიაროს სტაჟირება პროექტის პარტნიორ ორგანიზაციებში.
აღნიშნულ პროექტში შესარჩევი კონკურსის გავლის შემდეგ ჩართულია ქ. ბათუმის სკოლა ევრო-2000-ის სამოქალაქო განათლების მასწავლებელი თამარ ბაუჟაძე.
პროექტი გაგრძელდება მთელი წლის განმავლობაში და საშუალებას მისცემს მასში ჩართულ სკოლებს პოზიტიური ცვლილებები განახორციელონ სასწავლო პროცესში დემოკრატიული კომპეტენცების განვითარების გზით.
პროექტის ფარგლებში განსახორციელებელი აქტივობები:
[checklist]
- ტრენინგ კურსი დემოკრატიული კულტურის კომპეტენციების შესახებ სამოქალაქო განათლების მასწავლებლებისა და ახალგაზრდული მუშაკებისთვის 7 დღის განმავლობაში საქართველოში (მარტი, 2020);
- სამოქალაქო განათლების მასწავლებლისა და ახალგაზრდული მუშაკის ერთობლივი სტაჟირება 6 დღის განმავლობაში
- ჩამოთვლილიდან რომელიმე ქვეყანაში – ნორვეგია, ჩეხეთი და ესპანეთი (აპრილი-მაისი, 2020);
- სემინარი ნორვეგიაში 6 დღის განმავლობაში – (ივნისი, 2020);
- ტრენინგი ჩეხეთში 6 დღის განმავლობაში (სექტემბერი, 2020);
- სემინარი სკოლის ადმინისტრაციის წარმომადგენლებისათვის ესპანეთში 6 დღის განმავლობაში (ნოემბერი, 2020);
- ახალგაზრდული გაცვლითი პროგრამა ჩეხეთში 7 დღის განმავლობაში (იანვარი, 2021);
- საერთაშორისო კონფერენცია თბილისში (იანვარი, 2021).
[/checklist]
სკოლა ევრო-2000 აგრძელებს თანამშრომლობას სამოქალაქო განათლების ფორუმთან აღნიშნული პროექტის ფარგლებში.
სკოლებში დემოკრატიული კომპეტენციების განვითარებაზე სამოქალაქო განათლების მასწავლებლებთან ერთად აქტიურად მუშაობენ პროექტში ჩართული მხარეები ჩეხეთიდან, ესპანეთიდან და ნორვეგიიდან, აღნიშნული პროექტის ფარგლებში უცხოელი პარტნიორები აქტიურ დახმარებას გაუწევენ წლის განმავლობაში ფორმალური საგანმანათლებლო სივრცის გაჯანსაღებას.
