განათლება,მთავარი,სიახლეები

1,5-კრედიტქულიანი ტრენინგი ინგლისურის მასწავლებლებისთვის

07.02.2020 • 3312
1,5-კრედიტქულიანი ტრენინგი ინგლისურის მასწავლებლებისთვის

მიმდინარეობს რეგისტრაცია 1,5-კრედიტქულიან ტრენინგზე, რომელიც გამოცხადებულია ინგლისურის მასწავლებლებისთვის.

ტრენინგი ბრიტანეთის საბჭოს მიერ წარმოდგენილი პროგრამის – „პროექტზე დაფუძნებული სწავლება ინგლისური ენის გაკვეთილზე, მასწავლებლის სახელმძღვანელო წიგნის შექმნა და სატრენინგო პროგრამა“ ფარგლებში ჩატარდება, როგორც თბილისში, ასევე რეგიონებში.

ბრიტანეთის საბჭოს ინფორმაციით, ტრენინგის მიზანია დაეხმაროს ინგლისური ენის მასწავლებლებს საკუთარ სასწავლო პრაქტიკაში დანერგონ პროექტზე დაფუძნებული სწავლების პრინციპები. კურსის წარმატებით დასრულების შემთხვევაში მასწავლებლები შეძლებენ პროექტების ინტეგრირებას ენის სწავლების პროცესში.

ტრენინგი რეკომენდებულია როგორც საჯარო, ასევე კერძო სკოლის ინგლისური ენის ყველა მოქმედი მასწავლებლისათვის.

რეგისტრაცია 16 თებერვლამდე გრძელდება, თუმცა ადგილები შეზღუდულია და 125 პედაგოგის დარეგისტრირების შემთხვევაში შესაძლოა, პროგრამაში ვეღარ ჩაერთოთ. დეტალები შეგიძლიათ იხილოთ ბრიტანეთის საბჭოს ვებგვერდზე.

________________________

მთავარი ფოტო: ბრიტანეთის საბჭოს ვებგვერდიდან

გადაბეჭდვის წესი


ასევე: