ევროინტეგრაციის თემაზე სასაუბროდ სკოლაში მოვიწვიეთ საგარეო საქმეთა სამინისტროს სსიპ „საინფორმაციო ცენტრი ნატოსა და ევროკავშირის შესახებ“ აჭარის რეგიონალური წარმომადგენელი ირმა გაბინაშვილი. მან აუდიტორიას საქართველოს ევროკავშირთან ურთიერთობების ისტორია, განვითარების ეტაპები გააცნო და ევროკავშირის დაარსების, ფუნქციონირების, მიზნებისა და პრინციპების შესახებ ესაუბრა. მსმენელებს ყველა იმ უპირატესობის შესახებ მიაწოდა ინფორმაცია, რაც ქვეყნის ევროატლანტიკურ სტრუქტურებში გაწევრიანებას ეხება.
სპიკერმა ისაუბრა იმ გამოწვევებზეც, რომლებიც ამ პროცესში არსებობს და ხაზგასმით აღნიშნა, რომ საზოგადოებასთან ინტენსიური დიალოგი განსაკუთრებით მნიშვნელოვანია მზარდი დეზინფორმაციის პირობებში; აუცილებელია, ახალგაზრდობა იცნობდეს მასთან გამკლავების ეფექტურ გზებს, მით უფრო, რომ სკოლა „ევრო-2000“-სს მჭიდრო ურთიერთობები აქვს ევროკავშირის წევრი ქვეყნების შესაბამისი პროფილის სასწავლებლებთან და ინტენსიურად ახორციელებს გაცვლით პროგრამებსაც.
„სწავლა ხალისით, გზა ევროპისკენ“ – ეს სკოლის დევიზია და უკვე 20 წელია ჩვენ, პედაგოგები, ადმინისტრაცია, მოსწავლეები და მშობლები ერთად ვემსახურებით მომავალი თაობების აღზრდას.
