Batumelebi | ქობულეთის სოფელ ხალაში საბავშვო ბაღი აშენდება ქობულეთის სოფელ ხალაში საბავშვო ბაღი აშენდება – Batumelebi
ნეტგაზეთი • RU

ქობულეთის სოფელ ხალაში საბავშვო ბაღი აშენდება

ქობულეთის მუნიციპალიტეტმა სოფელ ხალაში საბავშვო ბაღის მოწყობის სამუშაოებზე ელექტრონული ტენდერი გამოაცხადა. ბაღის მშენებლობისთვის 1 588 921 ლარია გათვალისწინებული [სატენდერო თანხა].

პროექტის მიხედვით, რომელიც თან ახლავს სატენდერო დოკუმენტებს, სოფელში საბავშვო ბაღისთვის ორსართულიანი შენობა აშენდება. მშენებლობა კი, ტენდერში გამარჯვებულთან ხელშეკრულების დადებიდან 330 კალენდარულ დღეში უნდა დასრულდეს.

წინადადებების მიღება 2020 წლის 19 თებერვალს დაიწყება და 24 თებერვალს დასრულდება.

ადგილი ქობულეთის სოფელ ხალაში, სადაც საბავშვო ბაღი უნდა აშენდეს / ფოტოები ტენდერიდან

 

მთავარი ფოტო: სოფელ ხალას საბავშვო ბაღი / აქსონომეტრია პროექტიდან

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com