ფოტორეპორტაჟი ჩინეთის 5-მილიონიანი ქალაქიდან – ცხოვრება ვირუსის შიშით

ფოტოები ჩინეთში, ჰენანის პროვინციის ქალაქ ანიანგში დღეს, 28 იანვარს, გადაიღო ირმა დიმიტრაძემ, რომელიც იქ ცხოვრობს. კორონავირუსმა ანიანგშიც შეაღწია, ბოლო მონაცემებით, ამ ქალაქში 11 ადამიანს დაუდასტურდა ვირუსი.

ქალაქის ქუჩები, რომელშიც 5 მილიონზე მეტი ადამიანი ცხოვრობს, ფაქტობრივად ცარიელია. ფართო ქუჩებზე კანტიკუნტად ჩანს ავტომანქანები, სხვა დროს სავსე სუპერმარკეტებში ხალხი ცოტაა, რადგან მოსახლეობის უმრავლესობა, რეკომენდაციის თანახმად, სახლში რჩება. ქუჩებსა და მაღაზიებში ყველა ატარებს პირბადეს.

ქალაქის ერთ-ერთი მთავარი საავტომობილო გზა. ფოტო: ირმა დიმიტრაძე

აქ უნდა ყოფილიყო ქალაქ ანიანგის საახალწლო ბაზრობა. ტერიტორია თითქმის ცარიელია. ფოტო: ირმა დიმიტრაძე

წარწერა ჩინურ ენაზე აფრთხილებს ყველას, რომ დასახლებაში [ე.წ. სამეზობლოში] ვერ შევა ის, ვინც აქ არ ცხოვრობს. მას შემდეგ, რაც ქალაქში ვირუსის არსებობა დადასტურდა, სამეზობლოები, რომლებიც ათობით კორპუსისგან შედგება და რამდენიმე ჭიშკარი აქვს, ჩაიკეტა.

სუპერმარკეტში შემსვლელებს სიცხეს უზომავენ. ფოტო: ირმა დიმიტრაძე

ქალაქ ანიანგში 26 იანვარს დადასტურდა კორონავირუსით ინფიცირების ფაქტი. იმავე დღეს სუპერმარკეტებს უამრავი ადამიანი მიაწყდა და დახლები დაცარიელდა, თუმცა დღეს, 28 იანვარს, სუპერმარკეტებში მარაგი შევსებულია.

სუპერმარკეტებში არც ერთ პროდუქტზე არ შეინიშნება დეფიციტი. ფოტო: ირმა დიმიტრაძე

შევსებულია ხილ-ბოსტნეულის დახლებიც. ფოტო: ირმა დიმიტრაძე

ტანსაცმლის მაღაზიები ჯერ ისევ დაკეტილია, თუმცა ეს ჩინური ახალი წლის არდადეგებს უკავშირდება

საახალწლო ბაზრობის ცარიელი ტერიტორია. ფოტო: ირმა დიმიტრაძე

გაიგეთ უფრო მეტი: 

„ქუჩები თითქმის ცარიელია“ – ინტერვიუ ჩინეთში მცხოვრებ ქართველთან

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.