მთავარი,სიახლეები

წითელი ყელსახვევი წულუკიანისთვის – აქცია დახეული ჯინსებით ბათუმის იუსტიციის სახლში

24.01.2020 • 1623
წითელი ყელსახვევი წულუკიანისთვის – აქცია დახეული ჯინსებით ბათუმის იუსტიციის სახლში

დღეს, 24 იანვარს, არასამთავრობო ორგანიზაცია „ალტერნატივას“ წევრებმა ბათუმში, იუსტიციის სახლთან, აქცია გამართეს. ისინი დახეული ჯინსებით მივიდნენ იუსტიციის სახლში და წითელი ლენტები/ყელსახვევები შემოახვიეს კიბეს და კარს. აქტივისტები ასე გამოეხმაურნენ თეა წულუკიანის კრიტიკას სახალხო დამცველის აპარატის თანამშრომლის მიმართ. წულუკიანმა განაცხადა, რომ სახალხო დამცველის წარმომადგენელს ციხეში პატიმრების მონახულებისას დახეული ჯინსი ეცვა და „ამ ადამიანს ოპერაში არ შეუშვებენ, არათუ ციხეში“.

„თეა წულუკიანი არის საბჭოთა კავშირის გადმონაშთი. მას არ მოსწონს თავისუფლად მოაზროვნე, ჯინსებიანი თაობა და ამიტომ მას, თავისი მენტალობიდან გამომდინარე, მივუტანეთ წითელი ყელსახვევები. მას შეუძლია ატაროს საბჭოთა სიმბოლო, წითელი ყელსახვევი, ხოლო ჩვენ, თავისუფალი მოქალაქეები, გავაგრძელებთ ჯინსების ტარებას, რადგან ჯინსები არის თავისუფლების სიმბოლო და ჩვენ ვართ თავისუფლებისთვის მებრძოლი თაობა,“ – უთხრა „ბათუმელებს“ „ალტერნატივას“ ხელმძღვანელმა ხათუნა ბერიძემ.

ფოტო: „ალტერნატივა“

აქცია იუსტიციის სახლთან დაახლოებით ერთ საათს გაგრძელდა. აქციის წევრებს უშუალოდ დარბაზში შესვლის საშუალება არ მისცეს, თუმცა მათ ყელსახვევები კიბეს და კარს მიაბეს.

 

გადაბეჭდვის წესი


ასევე: