Batumelebi | ბათუმი, XX საუკუნის 30-იანი წლები – ჟორჟ სიმენონის ფოტო ბათუმი, XX საუკუნის 30-იანი წლები – ჟორჟ სიმენონის ფოტო – Batumelebi

ბათუმი, XX საუკუნის 30-იანი წლები – ჟორჟ სიმენონის ფოტო

ეს ფოტო გასული საუკუნის 30-იან წლებში ცნობილმა ბელგიელმა მწერალმა, ჟორჟ სიმენონმა გადაიღო ბათუმში. ფოტო ფეისბუქზე აჭარის ფინანსთა და ეკონომიკის მინისტრის მოადგილემ, სულხან ღლონტმა გამოაქვეყნა. როგორც ის წერს,  ფოტო ჟორჟ სიმენონის შვილმა, ჯონმა გადასცა ბათუმში ყოფნისას და ბელგიელი მწერლის ბათუმში გადაღებული უნიკალური ფოტოების გამოფენა მალე გაიმართება.

ბათუმი, გასული საუკუნის 30-იანი წლები. ჟორჟ სიმენონის ფოტო. წყარო: FB

ჟორჟ სიმენონი ბათუმში გასული საუკუნის 30-იან წლებში იმყოფებოდა. მის ნაწარმოებში – „ხალხი მოპირდაპირე მხარეს“ [Les Gens d’en Face] ერთ-ერთ ნაწილში მოქმედება ბათუმში ხდება. წიგნის დაწერამდე რამდენიმე თვით ადრე სიმენონმა საბჭოთა კავშირში იმოგზაურა შავი ზღვის ირგვლივ, რვა დღე დაჰყო ოდესაში და 1933 წლის პირველი ნახევრის უკრაინაში მასობრივი შიმშილობის მომსწრეც გახდა. უკრაინიდან სიმენონი ბათუმში ჩამოვიდა და აქედან სტამბოლში გაემგზავრა.

ნახეთ ჟორჟ სიმენონის მიერ ბათუმში გადაღებული სხვა ფოტოებიც:

4 ფოტო, რომლებიც ჟორჟ სიმენონმა გასული საუკუნის 30-იანი წლების ბათუმში გადაიღო

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.