მთავარი,სიახლეები

ავარიის შემდეგ 14-15 წლის გოგოებს მრავლობითი დაზიანება და მოტეხილობა აქვთ

22.01.2020 • 2124
ავარიის შემდეგ 14-15 წლის გოგოებს მრავლობითი დაზიანება და მოტეხილობა აქვთ

14-15 წლის გოგოების ჯანმრთელობის მდგომარეობა, რომელთაც დღეს, 22 იანვარს, ბათუმში ავტომანქანა დაეჯახა, მძიმე, მაგრამ სტაბილურია. მოზარდები იმყოფებიან ბათუმის იაშვილის სახელობის დედათა და ბავშვთა ცენტრში, სადაც გვითხრეს, რომ პაციენტებს მრავლობითი დაზიანება, მოტეხილობები და თავის ტრავმები აღენიშნებათ, ამჟამად ინტენსიური დაკვირვების ქვეშ იმყოფებიან და შესაბამისი მკურნალობა უტარდებათ.

14-15 წლის მოზარდებს ავტომანქანა რუსთაველის ქუჩაზე დაეჯახა. შს სამინისტროს ინფორმაციით, დადგენილია მძღოლის ვინაობა.

გამოძიება დაიწყო სისხლის სამართლის კოდექსის 276-ე მუხლის მეორე ნაწილის შესაბამისად, რაც ავტოსატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

გადაბეჭდვის წესი


ასევე: