ფინანსთა სამინისტრომ 140 მილიონი ლარის ფასიანი ქაღალდები გაყიდა – სებ


ფინანსთა სამინისტროს სახაზინო ობლიგაციებისა და სახაზინო ვალდებულებების აუქციონებზე ჯამში 140 მილიონი ლარის ფასიანი ქაღალდები გაიყიდა.

საქართველოს ეროვნული ბანკის [სებ] ინფორმაციით, 2020 წლის 6 იანვარს, სამინისტროს სახაზინო ობლიგაციების აუქციონზე 70 მილიონი ლარის ნომინალური ღირებულების 2-წლიანი ვადიანობის ფასიანი ქაღალდები, ხოლო ამავე დღეს, სახაზინო ვალდებულებების აუქციონზე, ასევე 70 მილიონი ლარის ნომინალური ღირებულების 182-დღიანი ვადიანობის ფასიანი ქაღალდები გაიყიდა.

სებ-ის ინფორმაციით:

ფინანსთა სამინისტროს სახაზინო ობლიგაციების აუქციონში მონაწილეობა მიიღო ხუთმა კომერციულმა ბანკმა. მოთხოვნამ 187 265 000 ლარი შეადგინა. მინიმალური საპროცენტო განაკვეთი 9.000%-ით, მაქსიმალური 9.380%-ით, ხოლო საშუალო შეწონილი 9.318%-ით განისაზღვრა. კუპონურმა საპროცენტო განაკვეთმა 9.375% შეადგინა. კუპონის გადახდა მოხდება წელიწადში ორჯერ, ყოველ ექვს თვეში.

რაც შეეხება ფინანსთა სამინისტროს სახაზინო ვალდებულებების აუქციონს, აქ მონაწილეობა მიიღო სამმა კომერციულმა ბანკმა. მოთხოვნამ 115 000 000 ლარი შეადგინა. მინიმალური საპროცენტო განაკვეთი 9.150%–ით, მაქსიმალური 9.350%–ით, ხოლო საშუალო შეწონილი 9.198%–ით განისაზღვრა.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com