კვირას საოჯახო მედიცინის ცენტრი 2 საათამდე, ბათუმის N1 პოლიკლინიკა კი 5 საათამდე იმუშავებს


გრიპითა და გრიპისმაგვარი დაავადებებით ბათუმის კლინიკებში მიმართვიანობა ბოლო დღეებში გაიზარდა, თუმცა, აჭარის საზოგადოებრივი ჯანდაცვის ცენტრის ინფორმაციით, ეს მაჩვენებელი არ აღემატება გასული წლის ანალოგიური პერიოდის მაჩვენებელს.

ცენტრის ინფორმაციით, ბათუმსა და ზოგადად რეგიონში ამ კუთხით საგანგაშო მდგომარეობა არ არის.

მიუხედავად ამისა, აჭარის ჯანდაცვის სამინისტროს ინფორმაციით, კვირას, 5 იანვარს, პაციენტებს:

  • დილის 10 საათიდან, დღის 2 საათამდე მიიღებს საოჯახო მედიცინის რეგიონული ცენტრი [ბარათაშვილის ქუჩა];
  • დილის 10 საათიდან საღამოს 5 საათამდე კი – ქალაქ ბათუმის N1 პოლიკლინიკა [ტბელ აბუსერიძის ქუჩა].

ამასთან, ორსულები და სოციალურად დაუცველი მოქალაქეები (100 000 ქულამდე), მედიკამენტ ტამიფლუს [იგივე „ოსელტამივირი“] უფასოდ მიიღებენ.

ექიმის დანიშნულებით აღნიშნული მედიკამენტის მიღება შესაძლებელია აჭარის საზოგადოებრივი ჯანდაცვის ცენტრში [ბათუმი, ვახტანგ გორგასალის 141/143]. შაბათ-კვირას მედიკამენტის მისაღებად დარეკეთ მობ: 577 27 87 40. მედიკამენტის მიღებისთვის აუცილებელია რეცეპტისა და ჯანმრთელობის შესახებ ცნობის (№IV-100/ა) წარდგენა.

ამ თემაზე:

ბათუმის პირველადი ჯანდაცვის ცენტრები პაციენტებს შაბათს 10:00-დან 17:00 საათამდე მოემსახურებიან

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com