ქართული მანდარინი სინგაპურში და ყატარშიც გაიყიდება – მთავრობა


აჭარის სოფლის მეურნეობის სამინისტროს ინფორმაციით, აჭარაში წელს 55 000 ტონა ციტრუსის მოსავალს ელოდებიან.

მთავრობის თავმჯდომარე დღეს, 2 დეკემბერს, ციტრუსის საკოორდინაციო შტაბში იმყოფებოდა, სადაც განაცხადეს, რომ უკვე გატანილია 7 900 ტონა ციტრუსი ძირითად საექსპორტო ქვეყნებში – უკრაინაში, რუსეთში, სომხეთში, აზერბაიჯანში, სლოვენიასა და ყაზახეთში.

მთავრობის ინფორმაციით, საექსპორტო ქვეყნებს კიდევ სამი – ლიეტუვა, ყატარი და სინგაპურიც დაემატა.

მანდარინის საშუალო ფასი 60 თეთრია.

„წელს 21 შემფუთავ-დამახარისხებელი საწარმო ფუნქციონირებს, რომელთაგან ორი მიიღებს და გადაამუშავებს არასტანდარტულ მანდარინსაც“, – აცხადებენ აჭარის მთავრობაში.

ამავე თემაზე:

სად გაიყიდება მანდარინი წელს? – მინისტრის კომენტარი

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com