Batumelebi | საშუალოზე 1 გრადუსით მაღალი ტემპერატურა – როგორი ზამთარი იქნება საქართველოში საშუალოზე 1 გრადუსით მაღალი ტემპერატურა – როგორი ზამთარი იქნება საქართველოში – Batumelebi
RU | GE  

საშუალოზე 1 გრადუსით მაღალი ტემპერატურა – როგორი ზამთარი იქნება საქართველოში

გარემოს ეროვნული სააგენტოს ინფორმაციით, 2019-2020 წლების ზამთრის სეზონზე საქართველოს ტერიტორიაზე ჰაერის საშუალო ტემპერატურა საშუალოზე 1 გრადუსით მაღალი, ხოლო ნალექების რაოდენობა საშუალო მრავალწლიური რაოდენობის ფარგლებშია მოსალოდნელი.

სინოპტიკოსების დასკვნით, 2019-2020 წლის ზამთარში ფორმირებაზე დომინანტურ როლს წყნარ, ატლანტიკის და ინდოეთის ოკეანეებში მიმდინარე და მოსალოდნელი პროცესები შეასრულებს.

ზამთრის პერიოდში საქართველოს ტერიტორიაზე ზამთრის სეზონის ტემპერატურის ნორმაა:

  • დასავლეთ საქართველოს დაბლობზე +5, +7
  • მთაში 0, +2
  • მაღალ მთაში -4, -2
  • აღმოსავლეთ საქართველოს ბარში 0, +2
  • მთაში -2, 0
  • მაღალ მთაში -5, -3

საქართველოს ტერიტორიაზე ზამთრის სეზონის ნალექის ნორმა: დასავლეთ საქართველოს დაბლობზე – 500-700 მმ, მთაში – 300-450 მმ, მაღალ მთაში – 200-400 მმ, აღმოსავლეთ საქართველოს ბარში – 70-120 მმ, მთაში – 80-150 მმ, მაღალ მთაში კი – 70-150 მმ -ს შეადგენს.

2019-2020 წლების ზამთრის სეზონის ამინდის პროგნოზი ეყრდნობა გლობალურ და ხმელთაშუა ზღვის და აღმოსავლეთ ევროპის რეგიონების დინამიკურ და სტატისტიკურ მოდელებს.

___________

ფოტოზე: თოვლიანი დღე ბათუმში. ფოტო „ბათუმელების“ არქივიდან

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.