ოფშორში დარეგისტრირებული კომპანია ქობულეთის პლაჟთან მასშტაბურ მშენებლობას გეგმავს


შპს „კ ენდ ლ ინვესტმენტი“  ქობულეთში, ზღვასთან ახლოს, აბაშიძის #90-ის მიმდებარედ, სასტუმროს ტიპის საცხოვრებელი კომპლექსის და მასთან დაკავშირებული ინფრასტრუქტურის მშენებლობას გეგმავს.

პროექტი აჭარის კულტურული მემკვიდრეობის სააგენტოს ზონალურმა საბჭომ განიხილა, რადგან ტერიტორია, სადაც  ინვესტორს კომპლესის მშენებლობა სურს, ძეგლის დაცვის ზონაშია.

საჯარო რეესტრის მონაცემებით, მიწის ნაკვეთი, სადაც კომპანია კომპლექსის მშენებლობას გეგმავს, 10 495 კვადრატული მეტრია, რაც იმას ნიშნავს, რომ კომპანიას ტერიტორიის განაშენიანების გეგმის მომზადება მოუწევს, რაზეც შემდგომში ქობულეთის საკრებულომ უნდა იმჯელოს, შემდეგ კი ნებართვას მშენებლობაზე მერი გასცემს.

ეს ნაკვეთი ქონების ეროვნულმა სააგენტომ პირობიანი აუქციონის წესით გაასხვისა. აღსანიშნავია ისიც, რომ მიწის ნაკვეთზე მრავალწლოვანი ნარგავებია, რომლებიც შესაძლოა მშენებლობას შეეწიროს.

შპს „კ ენდ ლ ინვესტმენტი“ საქართველოში 2015 წელს დააფუძნეს, კომპანიის ასი პროცენტის მფლობელი სეიშელის კუნძულებზე რეგისტრირებული კომპანიაა.

_____________

ფოტოზე: პროექტის რენდერი

ამავე თემაზე: 

მთავრობამ 1 ჰექტარი მიწა მიყიდა ოფშორულ კომპანიას საპატრიარქოს რეზიდენციასთან

ნეტგაზეთის მასალების სხვა გამოცემებში გადაბეჭდვის წესი
ავტორი