კულტურა,სიახლეები

ნიგაზეულის ციხეს რეაბილიტაცია ჩაუტარდება

24.09.2020 • 2154
ნიგაზეულის ციხეს რეაბილიტაცია ჩაუტარდება
ნიგაზეულის ციხეს, რომელიც კულტურული მემკვიდრეობის ძეგლია, რეაბილიტაცია ჩაუტარდება. სააგენტომ ავარიულ მდგომარეობაში მყოფი კულტურული მემკვიდრეობის ძეგლის რეაბილიტაციის მიზნით საპროექტო დოკუმენტაციის შედგენის მომსახურების შესყიდვაზე ხელშეკრულება უკვე გააფორმა კომპანიასთან.
 ხელშეკრულების ფასი დაახლოებით 34 650 ლარია. პროექტის მიხედვით მოხდება ძეგლის რეაბილიტაცია-კონსერვაცია. კომპანიას ასევე ევალება სარეაბილიტაციო სამუშაოების საპროექტო დოკუმენტაციის შედგენისთვის ჩაატაროს საჭირო კვლევები. დოკუმენტაცია კომპანიამ სააგენტოს დეკემბრის დასაწყისში უნდა ჩააბაროს.
 ციხე სავარაუდოდ აგებულია XVII- XVIII საუკუნეებში. იგი მდებარეობს შუახევის მუნიციპალიტეტის სოფელ ნიგაზეულში, ქუფთაღელის სერზე, რომელსაც სხვანაირად ნაბეგვარსაც ეძახიან. ციხის გეგმა არასწორი მართკუთხედის ფორმისაა, ექვსი წრიული ფორმის გოდოლით. ციხე-გალავნის შუა ეზოში სელიმ ხემშიაშვილის ორსართულიანი სახლი მდგარა, რომელიც მისი სიკვდილის შემდეგ ოსმალებს დაუწვავთ და შემდგომ იქ ჯამე აუშენებიათ.

გადაბეჭდვის წესი


ასევე: