Batumelebi | „შენწადი“ – თორნიკე რიჟვაძეს აქციის მონაწილეებმა ჩემოდნები მიუტანეს „შენწადი“ – თორნიკე რიჟვაძეს აქციის მონაწილეებმა ჩემოდნები მიუტანეს – Batumelebi
RU | GE  

„შენწადი“ – თორნიკე რიჟვაძეს აქციის მონაწილეებმა ჩემოდნები მიუტანეს

დღეს, 29 ნოემბერს, აჭარის მთავრობის შენობის წინ საპროტესტო აქციას მართავენ არასამთავრობო ორგანიზაციები „ალტერნატივა“ და „შეცვალე“. აქციაზე იმყოფებოდნენ „ნაციონალური მოძრაობის“ წევრებიც.

მათ მთავრობის სახლის წინ, სადაც ამ წუთებში მთავრობის სხდომა მიმდინარეობს, გამართეს აქცია-პერფორმანსი  – „შენწადი“. აქციის მონაწილეებმა თორნიკე რიჟვაძეს ჩემოდანი მიუტანეს და უთხრეს, რომ წავიდეს.

„ქართული ოცნების მამამარჩენალმა რამდენიმე დღის წინ გააკეთა განცხადება და გაგვიშვა ქვეყნიდან. ივანიშვილი არ აპირებს ქართველი ხალხის დასაქმებას, სიღარიბის დამარცხებას და ა.შ. ამიტომ ჩვენ მოვუტანეთ ჩემოდანი და კეთილი ინებოს და მისმა ყურმოჭრილმა მონამ აჭარაში, ჩაალაგოს ჩვენი მიტანილი ჩემოდანი და გაემგზავროს ვისთან ერთადაც უნდა ქვეყნიდან. ჩვენ ვაპირებთ ამ ქვეყანაში დარჩენას და ამ ქვეყნის აშენებას,“- განაცხადა აქციაზე ენმ-ს წევრმა, ლაშა ადამიამ.

აქციის მონაწილეებმა თორნიკე რიჟვაძეს ჩემოდანი მიუტანეს და უცხოეთში სამუშაოდ წასვლისკენ მოუწოდეს
ფოტო: ლელა დუმბაძე/ბათუმელები

აქციის მონაწილეები სასტვენებით ცდილობდნენ აჭარის მთავრობის თავმჯდომარისთვის დისკომფორტის შექმნას

აქციის მონაწილეები სასტვენებით ცდილობდნენ აჭარის მთავრობისთვის დისკომფორტის შექმნას, ისინი ხამამაღლა იძახდნენ: „წადი, წადი“, შემდეგ კი ჩემოდნები, რომლებზეც ბიძინა ივანიშვილის ფოტოები იყო მიკრული, მთავრობის შესასვლელთან დატოვეს.

„შენწადი“- აქციის მონაწილეებმა ჩემოდნები, რომლებზეც ბიძინა ივანიშვილის ფოტოებია მიკრული, თორნიკე რიჟვაძეს მიუტანეს
ფოტო: ლელა დუმბაძე/ბათუმელები

„ქართული ოცნების“ ხელმძღვანელმა ბიძინა ივანიშვილმა 27 ნოემბერს განაცხადა, რომ ხელისუფლება ათ წელიწადში ვერ შექმნის ორ მილიონ სამუშაო ადგილს და გამოსავალს ხედავს ევროპის განვითარებულ ქვეყნებში ლეგალურად დასაქმების შესაძლებლობის შექმნაში.

ივანიშვილის განცხადებამ საზოგადოების პროტესტი გამოწვია.

„შენწადი“-საპროტესტო აქცია მთავრობის შენობასთან

ორგანიზაცია „ალტერნატივას“ და „შეცვალეს“ აქტივისტებმა აჭარის მთავრობის თავმჯდომარეს თორნიკე რიჟვაძეს ჩემოდნები მიუტანეს. აქტივისტები აპროტესტებდნენ ბიძინა ივანიშვილის განცხადებას, რომ მთავრობა ათ წელიწადში ვერ შექმნის 2 მილიონ სამუშაო ადგილს და ადამიანები უცხოეთში უნდა წავიდნენ სამუშაოდ. საპროტესტო აქციაზე აქტივისტები სასტვენების ფონზე სკანდირებდნენ: „წადი, წადი“. ავტორი: ლელა დუმბაძე/ბათუმელები

Posted by ბათუმელები • Batumelebi.ge on პარასკევი, 29 ნოემბერი, 2019

ამავე თემაზე:

„ზოგი მიუნხენში იმუშავებს, ზოგი – ქუთაისში“- რა თქვა ივანიშვილმა

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com